Masamu 147:14 - Amazwi Yakwe Leza 2013

¹⁴ Waleta umutende mu mipaka yako, nu kukwikusya uku ngano izisuma.

Masamu 147:14 Iomraidhean Croise

1 Milandu 22:9

Lelo ulakwata umwana umonsi wino alateeka mu mutende, pamulandu wakuti nemo ndamupeela umutende pakasi ka anisi yakwe yonsi ali umu mbali zyonsi. Izina lyakwe lilaamwa ukuti Solomoni, pamulandu wakuti mu manda ya utesi wakwe ndapeela aina Izlaeli umutende nu ucingililo.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Masamu 132:11

Awewe walavile nu mulapo kuli Davidi, ulayo uno utalafutuka uti, “Ndalasika wenga uwamu ana yako aonsi apa cilimba cako ica wene.

Masamu 132:15

Ndapolelela wakwe cimwi umusumba wa Zioni apa kuupela vyonsi ivyulila mwenemo. Apina ya mwenemo nda iimula ni vyakulya ivivule.

Masamu 29:11

Yawe aliwe akapeela antu yakwe amaka, nupya akapolelela antu yakwe upolelelo wa longo.

Masamu 81:16

Ningamwimula lyene uku usu wa ngano, Utonyoleke wakwe cimwi, nu kumwikusya uku uci uwamu mulunda.

Ezaya 66:12

Yawe akuti, “Nemo ndamuletela isyuko lya pee, ni vyuma vya mitundu yonsi vimaizanga kunomuli. Vimafumfumukanga wa manzi amu luzi ulukupita lyonsi. Mumaya wa kana kano kakusungwa na nyina, kano kasenzilwe pa minwe yakwe, nu kukasunsuntila.

Ezekelo 16:13

Fwandi, wakweti sile iviyembelo vyakwe zaabu na siluva, insalu zitelepelele ni zipikulwe, walyanga usu utonyoleke, uuci ni vya manona. Wasuka wayemba wakwe cimwi cakuti wafika na kuli unamwene.

Ezekelo 27:17

Ayuda na ina Izlaeli nayo kwene yaculuzyanyanga nawe, yakuletelanga ingano zyaku Miniti, ipula, uci, amafuta, ni cinyamuti ca bamu.

Aina Levi 26:6

“Nkalenga kuti mu mpanga inu muye mutende, nupya mukaalala utulo kwaula koopa nanti umwi. Indi nu kuzinga ivilyanyi vyamu mpanga inu. Nupya mu mpanga inu musiiya inkondo.

Zakaliya 9:8

Ndikala mu pipi ni ng'anda yane nga kalinda, wiyo wino akalesya ntalanganyi. Umwene mukakate atalatala azunye antu yane, pano nemo ndayawaka.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.