Masamu 146:4 - Amazwi Yakwe Leza 2013

⁴ Lino yafwa, yene yakaswilila ukwivu, nu wanda kwene uo amapange yao yasililikila.

Masamu 146:4 Iomraidhean Croise

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Utandiko 6:17

Namatuma imvula nga mulamba alazula insi yonsi nu kulovya ivya umi vyonsi ivyayamo. Vyonsi ivyaya panonsi vilafwa.

Yobo 14:10

Lelo umuntu ndi cakuti wala wafwa, asiya na maka awe. Uzye umuntu lino wata ukufuuta, wene akaya kwi?

Yobo 14:21

Ana yakwe aonsi ndi cakuti yakacindikwa, wene kusi kumanya, nanti yayazewanya, wene kusi kumanya awe.

Yobo 17:1

Nemo lyene inkufuteka sile, amanda yane yatiyasila. Akunjimbila imbiko yatiyakongana.

Yobo 17:11

Amanda yane yatiyasila, nga na vyonsi vino napanganga ukucita, vyati vifilikwa vyaya na pambali.

Yobo 27:3

Insita zyonsi lino incili nu umi, nupya lino ncikweti umupu wakwe Leza kwene umu mpuno zyane,

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Masamu 33:10

Yawe akaonona nu kuvulunganya amapange ya ikala nsi. Akavulunganya nu kupasola amapange ya mitundu.

Masamu 90:3

Wemo ukaswilizya umulawa uku lukungu uti nu kuti, “Swilila we, kuno wafumile!”

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Kasambilizya 9:6

Ulukundo lwao, ulupato lwao, uluse lwao, vyonsi vyalowa pamwi nao. Yatalatala yakumeko nupya mu vintu ivikacitika mu nsi ii, awe.

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

1 Kolinto 2:6

Nanti ciye vivyo swemo tukakosola ilandwe lya mano ku antu akula mu vya Mupasi. Lelo asi a mano ya antu amuno nsi nanti yakwe yakateeka yakweyo, yao ali mu kulowa.