Masamu 143:7 - Amazwi Yakwe Leza 2013

⁷ Kalauka unjasuke we Yawe! Umupasi wane watiuongoka, utafisa usyu wako kunondi, pano limwi ningaya wakwe yaya aikala kuzimo.

Masamu 143:7 Iomraidhean Croise

Masamu 102:2

Utafisa usyu wako kunondi apa wanda wa kucululuka kwane. Teya ukutwi kunondi kuti unguvwe, ungasuke zuwa-zuwa lino nkukulaizya.

Masamu 22:24

Pano wene asitazyela apina nanti kuyasuula. Wene asifuntuka kunoyali foo, lelo akaasuka lino yene yapunda ntulwe.”

Masamu 27:9

Fwandi utafisama kunondi! Utansokela, utatazyela umuzya wako. Lyonsi ukangazwa, utansya nenga nupya utantazyela, Mwene Leza wane, Katuula wane!

Masamu 28:1

We Yawe Leza awewe nakulilila, we cele lyane. Teya amatwi kunondi, utanziya, pano limwi ningalingana na aku malindi.

Masamu 40:17

We Yawe, nemo nene mupina nu mulanda, lelo uwalukunjiiusya. Wewe kazwa wane na katuula wane. Sungala ucincile ukwiza ntuula.

Masamu 69:17

Utafisama ne muzya wako. Nemo indi umu ucuzi ukulu. Kalauka ukungasuka!

Masamu 69:18

Ndanga kuno wize umpususye, untasye ku anisi yane!

Masamu 69:3

Natintonta wakwe cimwi muno nkulaizya inti, “Ntuulwe!” Uku nsingo nako kwatikuuma. Amanso nayo yati yasuka iyatumbuka muno nkukulolekesya kuti wize untuule.

Masamu 70:5

Nemo ntakweti amaka nupya nene mulanda. Leza, kalauka fwandi ukwiza kunondi. Wemo ukangavwa, nupya ukantuula. We Yawe, ala utalengela!

Masamu 71:12

Leza we, ala utantaluka foo, kalauka sile ndungazwe, Leza wane!

Masamu 84:2

Umwenzo wane wati ufwa sile uku ciluka cako! Pasi paciluka ica misolo ya kwisano lyako, we Yawe nkukwimbila nu luzango lonsi we Leza wa umi.

Mapinda 13:12

Icintu cakulolelela ndi cakana ukufikiliziwa cene cikawavya umwenzo, lelo icintu cakulondelezya ndi cafikiliziwa caya wa muti uno ukapeela umi.

Ezaya 38:18

Yano yaya uku mpanga ya afwe yakaposiwa ukukulumbanya, afwe yakaposiwa ukukuwanzya, yene yakaposiwa nu kupaalila muli ucumi wako.

Ezaya 57:16

“Pano nene napeela antu yane umi. Ali cino fwandi ntalatala njalemanizye, nanti ukuyasokela lyonsi foo.

Ezaya 8:17

Yawe wafisama uku manso ya antu yakwe, amu mupanda wakwe Yakobo. Lelo nemo namutaila nu kulolela awino inkalolela.

Luka 21:26

Antu yalafwa mutombo pamulandu wa ntete lino yakulolela vintu vino vilaponela insi yonsi, pano maka amu lwelele yalatenta.