Masamu 143:5 - Amazwi Yakwe Leza 2013

⁵ Nkwiusya amanda yampiti, nkwelenganya ivicitwa vyako vyonsi, nga nu kwiusya umulimo wa minwe yako.

Masamu 143:5 Iomraidhean Croise

Utandiko 24:63

Manguzi lino lyatemba Isaki aya aendezya ku vyalo alola ingamila zikwiza.

Masamu 111:4

Umwene asileka ukuti twailila kwene uku vizungusyo vyakwe, wene wakwatisya uluse ni nkumbu.

Masamu 42:6

Umwenzo wane nemo ukukulukunta wakwe cimwi, ali cino fwandi, nkanalukukwiusya we Leza wane, muno mpanga muno naya iya Yodani, umupipi nu mwamba wa Helimoni nu wa Mizali.

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”