Masamu 143:10 - Amazwi Yakwe Leza 2013

¹⁰ Unsambilizye ukucita ukulonda kwako, pano wewe uli Leza wane. Uye umusuma kunondi, untungulule umu nzila ilungamane.

Masamu 143:10 Iomraidhean Croise

Neemiya 9:20

Wapiile umupasi wako usuma apakuti yasundike. Wayimwile mana nga uyapeela na manzi akukoma ulusala.

Masamu 118:28

Wewe, uli Leza wane acino nakutaizya. Wemo awewe Leza wane, nemo namakulumbilizyanga.

Masamu 119:12

Si leka yakulumbanye, we Yawe, unsambilizye ivyeo vyako!

Masamu 119:35

Umpeele ukuyela nu kuwaka amasunde yako, pano nemo ndazana uluzango.

Masamu 139:24

Lola ndi cakuti nimpita umu nzila iipe, ntungulule umu nzila ya umi wape.”

Masamu 140:6

Nanema Yawe nati, “Wewe uli Leza wane.” Uvwa izwi lyane kuno nkukupapata.

Masamu 22:1

Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!

Masamu 23:3

Ali kuno akawezezya umwenzo wane amaka. Akantungulula umu nzila zya ololoke, pakuti ncindike izina lyakwe.

Masamu 25:12

Yayo akwatila Yawe icoopo, akayalangilila inzila umwakulondela.

Masamu 27:11

Nsambilizye, we Yawe, vino ukasi kuti incite, nu kuntungulula umu nzila nsuma, pano anisi yane anyanya.

Masamu 31:14

Lelo nemo nataila muli wewe, we Yawe, nupya nkuvwanga inti, “Wewe uli Leza wane.”

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezaya 63:14

Yaipitilanga sile aeneco kwati ing'ombe zino zikuya uku nyika, uku mulemvwe. Umucumi, Yawe aliwe waombanga. Fwandi ali vino Yawe watungulwile antu yakwe nu kuiletela umweneco ululumbi lwa cumi.

Mika 4:2

Antu amu nko zivule yaliza, nga yalavwanga yati, “Tuini tukwele uku mwamba wakwe Yawe, ku Ng'anda yakwe Leza wakwe Yakobo. Wene alatusambilizya vino akasi kuti twacita, nga naswe tumapitanga umu nzila zyakwe. Pano uku Zioni ukulafuma usambilizyo wakwe, uku Yelusalemu ukulafuma amazwi yakwe Yawe.”

Mpendwa 9:22

Usi mulandu cingaya pacisila ca manda yaili, nanti umwezi, nanti umwaka, nanti nsita ntali, aina Izlaeli yalinzile kusyala mu nsakwe zyao ukwaula ukutenuka. Lelo lino lilatenuka nayo kwene yalinzile kutenuka.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Yoane 14:26

Lelo kaazwa, Mupasi Wamuzilo, wino Tata alatuma mwi zina lyane, wene alamusambilizya vintu vyonsi nu kumwiusya vyonsi vino namunena.

Loma 15:13

Mwene Leza ali ntulo ya upaalilo, aleke muzange muye nu mutende cuze kupitila mu utailo winu munoli, pakuti upaalilo winu utwalilile kukula mu maka yakwe Mupasi Wamuzilo.

Loma 15:30

Nkumupapata inane, mu Mwene witu Yesu Klistu nu mu kutemwa kuno Mupasi Wamuzilo akapela, ukuti muilundanye mu kupepa na maka pamwi nani kuli Leza pamulandu wane.

Loma 5:5

Nu upaalilo uu usyatulenga insonyi pano Leza wapongolwela kutemwa kwakwe mu myenzo itu muli Mupasi Wamuzilo, ali wila witu kufuma kuli Leza.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

Loma 8:26

Mu musango uli onga kwene Mupasi Wamuzilo nawe akatwazwa, swe muno tuli atonte. Pano tutamanyile vino tulinzile kupepa. Lelo Mupasi Wamuzilo umwisikulu akatupapatila kuli Leza mu musango uno utangalondololwa.

Efeso 4:30

Nupya mutaleka Mupasi Wamuzilo auvwe ulanda. Pano Mupasi Wamuzilo ali cimanyililo cakuti mwemwe yakwe Leza, cisininkizyo cakuti uwanda uliza lino Leza alamulenga kuya antungwa.

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

2 Timoti 1:7

Pano Mupasi uno Leza watupeela wene usyatulenga kuya antete. Lelo Mupasi wakwe wene ukatupela maka, kutemwa nga nu kuikanya.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

1 Yoane 2:27

Lelo mwemo Klistu wamupolelela pa kumupongolwela Mupasi wakwe wikala munomuli, nupya citakulondekwa ukuti umuntu umwi amusambilizya. Mupasi Wamuzilo aliwe akamusambilizya vyonsi. Vino akamusambilizya ivya cumi visi vyaufi. Caleka mulinzile kuyela usambilizyo wakwe Mupasi Wamuzilo nga nu kwikalilila mu utandano na Klistu.