Masamu 141:2 - Amazwi Yakwe Leza 2013

² Ipepo lyane likwele kunuli wa ubani, nu kutumpula kwa makasa yane, kuye wa mpolelwa ya manguzi.

Masamu 141:2 Iomraidhean Croise

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

Ezila 9:4

Natenzi pansi mpaka ukufika amanguzi. Lyene antu akweti icoopo ku mazwi yakwe Leza wa ina Izlaeli yalola ukuntataila kwa ntalanganyi zyawelulwike ukufuma ku uzya, yatandika ukwiza kunondi nu kulongana.

Masamu 134:2

Tumpulini amakasa inu uku Ng'anda yakwe ikulu, nga mulumbanye Yawe!

Masamu 28:2

Uvwe izwi lyane kuno likukupapata, inkukulaizya we mwene, nkukatusya na makasa yane uku Ncende Yamuzilo kuluta.

Masamu 5:3

We Yawe ukauvwa izwi lyane akatondo. Lini ilanzi lyatunka, inkakulenga nga indolela kuti ungasuke.

Masamu 63:4

Nemo namakutaizyanga, amanda pe, aumi wane onsi pano nsi. Pa kupepa, namakatusyanga amakasa umupela kunuli.

Kufuma 29:39

Mwana wa mfwele umwi uwamutwala katondo, nu muze manguzi.

Kufuma 35:15

kavuwa ka kufutikilapo ubani ni mipingilo yakako. Yapange na mafuta akusolwela, ubani wa cinunkilo cisuma alino nupya ni nsalu zyakucingilikizya zya pa mulyango wi Taalu lyakwe Yawe.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Danieli 9:21

Lino ncili nkupepa, Gabilieli, wino naweni mu cilolwa ca nkolelo, afuma akupapuka aiza pano nali. Yali insita yakupeela impolelwa ya manguzi.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Milimo 3:1

Wanda umwi Petulo na Yoane yayanga ku Ng'anda ikulu yakwe Leza pa 3 koloko amanguzi, nsita ya mapepo.

1 Timoti 2:8

Mu kutumikila mwi uvi lyonsi nkulonda kuti aonsi aipeelesya kuli Leza yapepa, yala yakukatusya makasa yao kwaula kusoka nanti vikanza.

Umbwilo 5:8

Lino akucita vii, viumbwa vyaumi vini pamwi na ikolo makumi yaili na yani yafukamila Mwana wa mfwele. Cila wenga wakweti zeze nga ni ngeso zyakwe zaabu izyazilemo vya mununko usuma nga navyo vili mapepo ya antu yakwe Leza.