Masamu 136:2 - Amazwi Yakwe Leza 2013

² Taizini Leza pali tuleza tonsi, pano luse lwakwe ulwa pe na pee.

Masamu 136:2 Iomraidhean Croise

2 Milandu 2:5

Nkulonda uku kuulila Yawe, Ng'anda ikulu, pamulandu wakuti Yawe, Leza witu umukulu ukuluta tuleza tonsi utwasyala.

Masamu 82:1

Leza aliwe akateeka icilye ca mwiyulu. Wene akapingula imilandu pakasi kakwe tuleza.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Masamu 97:9

Pano we Yawe, wewe Wapapelapela pano nsi yonsi, Wewe mukulu ukuluta tuleza tonsi.

Kufuma 18:11

Ndakai namanya ukuti Yawe umukulu cuze ukuluta tuleza tuze tonsi tuno antu yakapepa, pamulandu wakuti wene watuuzile antu yakwe lino aina Eguputo yacitile aina Izlaeli umunyambo.”

Danieli 2:47

Umwene avwanga ati, “Leza wako umukulu pali yaleza yonsi, umwene wakwe yamwene, nupya aliwe akaumbula inkama. Manyile cii pamulandu wakuti we Danieli watuumbula inkama.”

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.