Masamu 132:2 - Amazwi Yakwe Leza 2013

² Wene walavile nu mulapo kunuli we Yawe, walavile kuli Leza Wamaka yonsi wakwe Yakobo ati,

Masamu 132:2 Iomraidhean Croise

Utandiko 49:24

Lelo ulapwa wa mwi kasa lyakwe utatazile utente, nga na makasa yakwe akome. Ku maka yakwe Leza Wamaka yonsi wakwe Yakobo, Leza wi ali Mucemi, nupya cisyangu cakwe Izlaeli.

2 Samueli 7:1

Lyene Davidi wasuka wikala umwi sano lyakwe, na Yawe asuka amucingilila ku anisi yakwe amuzunyanga lililili.

2 Samueli 7:2

Nga alino umwene Davidi anena kasema Natani ati, “Si lola nemo nkaikala mu ng'anda ino yakulwa ni mbao zya mukelide. Lelo Mbokosi ya Upangano yakwe Leza yene ikaikala mwi taalu.”

1 Milandu 28:2

Alino umwene Davidi aimilila nga avwanga ati, “Nguvwini, mwe inane na mwe antu yane. Nemo nelenginye ku kuula ng'anda yakusungilamo Mbokosi ya Upangano yakwe Yawe, ino ikoline wa cilimba ca ngazo cakwe Leza witu. Nga netetwile ivya kuipanga.

Masamu 119:106

Indi nu kusunga ulayo wane, uwakuyela amasambilizyo yako a ulungi.

Masamu 132:5

mpaka sile natala nalondela Yawe icifulo, incende umwakwikalamo Leza Wamaka yonsi wakwe Yakobo.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Masamu 56:12

We Leza nemo namakupeela vyonsi vino nakulavile. Namakutula uwila wane uwakukutaizya,

Masamu 65:1

We Leza ica insambu ukuti antu yakulumbanyizizya umu Zioni, nu kukupelela mwenemo vyonsi vino yakulaya.

Ezaya 49:26

Yayo akamucuzya ndayatunkizya iminyefu iyakwao. Yalakoleka nu wazi wakwao aeneco, kwati antu yano yakoleka waini. Lyene antu yonsi yalamanya ukuti nene indi Yawe. Yalasininkizya ukuti nene Mukuluzi winu, Wamaka wilya wakwe Yakobo.”

Ezaya 60:16

Antu ya mitundu yuze pamwi na yamwene yao, yalakusunga ndi vino umukwasi akasunga umwana wa kuivyalila. Umucumi, ulasininkizya ukuti anene ne Yawe, nakupususya, nene ne musambazi wakwe Izlaeli nakukulula, Wamaka wilya wakwe Izlaeli.