Masamu 127:3 - Amazwi Yakwe Leza 2013

³ Endi, ana aonsi icaupyanyi ukufuma kuli Yawe, ana cili cilambu citu ukufuma kunoli.

Masamu 127:3 Iomraidhean Croise

Utandiko 1:28

Nga Leza ayapolelela, ayanena ati, “Muvyalane muvule mulimbe insi yonsi nu kuyangalila. Namupeela uwangalizi pa nswi, ivyunyi ivikapapuka ni nyama zyonsi zyamu nsi.”

Utandiko 24:60

Nga yapolelela Labeka na mazwi yaa: “We kaciwe, wize ukaye nyina wa mazimbi na mazimbi! Ana yako yakaye yakacimvya ya anisi yao.”

Utandiko 33:5

Esau acelecensya monsi, nga alola ana na yanyina, nga auzya ati, “Uzye ya yonsi yano uli nayo aaweni?” Yakobo aasuka ati, “Mukwai, ya ana yane yano Leza wampa mu usuma wakwe.”

Utandiko 4:1

Lyene Adamu amanya Eva umuci wakwe, nga nawe asenda indilwa avyala umwana umonsi. Eva avwanga ati, “Ku wazwilizyo wakwe Yawe navyala umwana umonsi.” Acino amutemela izina ati Kaini.

Utandiko 48:4

Wanenyile ati, ‘Ndalenga kuti uvyale ana avule, pakuti amu mupanda wako yakaye inko zivule. Ndapeela impanga ii ku amu mupanda wako kuti iye impanga yao amanda pe.’ ”

2 Samueli 3:5

Uwalenga mutanda a Itileamu, wino nyina wali a Egila, umuci wakwe Davidi. Ana yaa, aonsi yonsi kwene yavyalilwe ku Hebuloni.

1 Milandu 28:5

Yawe wampeela ana aonsi avule, nga ukufuma mu ana kwene yayo, wene wasolola Solomoni kuti ateeka aina Izlaeli, umu wene wakwe Yawe.

1 Milandu 8:40

Ana aonsi yakwe Ulamu yali ivita viposye, antu acenjela kuomvya amalapwa. Yene yakweti ana aonsi pamwi na aizikulu 150. Yaa yonsi yali amu mupanda wakwe Benjamini.

Yobo 1:2

Wene wakweti ana aonsi cinimbali na ana anaci yatatu.

Ezaya 13:18

Yalakomola utwana utonsi tonsi uku maulapwa yao. Yene yatalaya na mizu uku twana twapi yele. Yatalakwatila ana anono uluse.

Ezaya 8:18

Nemo indi pano, pali ponga na yayo yano Leza wampela. Yawe Wamaka yonsi, wino icilimba cakwe ca wene cayela apa mwamba wa Zioni, sweswe tuli yakambone yampomvu yano watuma ku kusinila aina Izlaeli.

Malango 28:11

Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Malango 28:4

“Yawe alamupolelela amupeele ana avule, ni vyakulya vivule cuze, nga ni ng'ombe ni mbuzi zivule.

Yakapingula 12:9

Wene wakweti ana aonsi amakumi yatatu na anaci amakumi yatatu. Wene watwalizye ana yakwe anaci ku onsi angolongolo, nga alonda na akazyana angolongolo amakumi yatatu akuti yasakwe ku ana yakwe aonsi. Ibizani wateesile aina Izlaeli pa myaka cinimbali.

1 Samueli 1:27

Ali mwana wi wino nailengile, nga Yawe watampela cino nalenzile.