Masamu 122:5 - Amazwi Yakwe Leza 2013

⁵ Kuku kwene akuno walasika yamwene amu Izlaeli apa vilimba vya upinguzi, ivilimba vya wene vya amutundu wakwe Davidi.

Masamu 122:5 Iomraidhean Croise

2 Samueli 8:18

Benaya umwana umonsi wakwe Yeoyada wali a kangalila wa ina Keleti na ina Peleti. Nga ana aonsi yakwe Davidi yali a yasimapepo.

1 Yamwene 7:7

Wakuuzile ni cikulwa ca cilimba ca wene, cino camwangwa ukuti Cikulwa ca Kupingwila imilandu, mumo muno wapingwilanga imilandu. Cakuzilwe ni mbao zya mikelide, ukutandikila pansi mpaka nu mu nsito kwene.

2 Milandu 11:22

Alino apa ana yakwe yonsi aonsi Leoboamu watemwisizye Abiya umwana umonsi wakwe Maaka, nga nu kusolola ali wino wasile wasolola ukuti aka mupyane apa wene.

2 Milandu 19:8

Kwene uku Yelusalemu umwene Yeosafati wasonsile aina Levi yamwi, yasimapepo nga ni ntunguluzi zya ndupwa zyamu Izlaeli, kuti ayano yapingula umu cifulo cakwe Yawe alino nu kuputula imilandu ya antu yonsi amu Yelusalemu.

Malango 17:18

Lino umuntu waya u mwene, alinzile wakwata ulupapulo lwa masunde na masambilizyo yakwe Leza yano yambulwilwe ukufuma mu lupapulo lwankolelo ulwasungwa na yasimapepo aina Levi.

Malango 17:8

“Limwi mungazana ukuti imilandu imwi iyacikaya yatala wakwe cimwi ukupingulwa kuli yakapingula akaya. Imilandu iyo ili wa nsambu zya cuma ca muntu, ukucisa umuntu, nga nu kukoma umuntu ukumufulo nanti ukwaula umufulo. Lino icamusango ndi uwo cacitika, cakuti cacuzya yakapingula, muce mwaya ku ncende iya kwene iya kupepela penepo.