Masamu 122:4 - Amazwi Yakwe Leza 2013

⁴ Kukwene kuli kuno imitundu yomokela, imitundu yamu Izlaeli kuli kuno ikwiza, uku kupeela intaizyo kuli Yawe ukulingana ni lamulo lyakwe.

Masamu 122:4 Iomraidhean Croise

Masamu 100:4

Izini mwingile mu mpongolo zyakwe nu kutaizya, mwasansamuka umu nyimbo apa kwingila mu musolo wakwe. Si mungala mwamutaizya nu kulumbanya izina lyakwe!

Masamu 118:19

Njulilini kweneko impongolo zyamu ncende yamuzilo muleke inje mwenemo nkataizye Yawe!

Masamu 132:13

Pano Yawe wasolola Zioni, ali wino watemwa kuti aye icifulo cakwe ca kwikalamo.

Masamu 78:68

Aluko lwakwe Yuda ayano wene wasolola, nga nu mwamba Zioni ali uno watemilwe wakwe cimwi.

Masamu 81:6

“Ala asi anene namupokile ivisendo apaviye ivyamutonsizye, namwisizya ni mise pansi muno mwasinzilanga.

Kufuma 16:34

Wakwe vino Yawe wapeezile ilamulo kuli Mose, Aaloni aiika inyungu ku nkolelo ya Mbokosi ya Upangano, pakuti mana angasungwa.

Kufuma 23:17

Amaila yatatu mu mwaka antu yonsi aonsi yalinzile kulolekela pa manso yane ne Yawe Simwandalali.

Kufuma 32:15

Mose aika ku mwamba aswilila ala asenzile vipampa vya mawe yaili apalemvilwe amasunde mbali zyonsi zyoili.

Malango 12:11

Yawe umwisikulu aliwe alasolola incende pakuti mwamupepela. Papo kwene ali pano mulatwala vyonsi vino ne Mose namukonkomezya. Ni vintu vivyo vili wa mawila inu akoca nga ni mpolelwa zinu zyuze. Alino ni vikumi na mawila inu, nga na mawila yauze aiyele yano mwalaya ukupeela kuli Yawe.

Malango 12:5

Muce mwapepela Leza winu pa ncende ino umwisikulu alasolola ukufuma mukasi ka mitundu inu pakuti apano yonsi yakakonganila ku kumulumbanya.

Malango 16:16

“Fwandi aonsi yonsi amu luko lwinu yalinzile yiiza ku kulongana nu kupepa Yawe amaila yatatu pa mwaka pa ncende yonga iya kupepela penepo, pa nsita ya Cimulo ca Mukate usi na Citutumusi, ni Cimulo ca Uzombozi, nga ni Cimulo ca Nsakwe. Cila muntu alinzile ukuleta uwila