Masamu 119:96 - Amazwi Yakwe Leza 2013

⁹⁶ Natinsambilila ukuti ivintu vyonsi vili ni mpelelekezyo, lelo amasunde yako yene yaya afumaluke.

Masamu 119:96 Iomraidhean Croise

2 Samueli 14:25

Kutali umuntu nanti wenga umu ina Izlaeli yonsi wino yangalingana na Abusalomu ku kuyemba. Wene atakweti akaulema nanti kamwi, ukutandikila sile ku mutwe wakwe mpaka na pa kakando.

2 Samueli 16:23

Mu manda yalya umpandamano uno Aitofeli wapeelanga wali ungati amazwi akufuma kuli Leza umwisikulu. Davidi na Abusalomu yoili kwene avino yaulolanga.

2 Samueli 17:23

Lino Aitofeli walola ukuti umpandamano wakwe utalondilwe, akwela pali punda wakwe nga aswilila ku musumba kumwao. Alino pacisila cakupeela amazwi ya utunguluzi ku ang'anda yakwe, Aitofeli aikulika. Acino afwa nga iyamuzika mwi lindi lya aluko lwakwe.

2 Samueli 18:14

Yoabu avwanga ati, “Ntakutala insumbe insita nayuze pamwi nawe.” Acino atoola amasumo yatatu nga aya atota yonsi mu cisao cakwe Abusalomu lino acili nu umi, akunyinyinda ku muti umu oki.

2 Samueli 18:17

Alino iyatoola icala cakwe Abusalomu iyacisumbila mu ciwina icikulu umu mutengo nga iyatulika umutumba ukulu uwa mawe penepo. Aina Izlaeli yala yatiyasimula kumwao.

Kasambilizya 12:8

Icasilesile, icasilesile, ivyavwanzile kasambilizya. Ala cii icasilesile.

Kasambilizya 2:11

Lyene natandike kwelenganya pali vyonsi vino naomvile, alino nu kukailwa iyevu kuno nakailwe lino nkuomba ivintu vii, alino niiluka nga nzana ukuti vyonsi ivyasilesile. Cali kwati ukuzinganya umuza muno mutaya umuzano foo.

Kasambilizya 7:20

Cumi cumi, mu nsi ii mutaya umuntu nanti umwi akacita vyaololoke lyonsi, nupya kutaya nanti umwi asitala aluvyanya.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Mateo 5:18

Cumi namunena vino kufika lino iyulu ni nsi vilasila, pasi kalikalata kamwi nanti akalitoni kanono ka mu Masunde kano kalafumiziwapo, kufika lino vintu vyonsi vilafikiliziwa.

Mateo 5:28

Lelo nemo namunena nati wino wensi uwalolekesya umwanaci nu kumukumbwa, wene ala walongozya nawe mu mwenzo.

Loma 7:14

Twamanya vino Masunde yakwe Mose yapilwe na Leza, lelo nemo nene muntu ukufwa, nasumbwa ukuya muzya wa maifyo.

1 Samueli 17:8

Lyene Golyati wilya aiza aimilila nu kulaizya ku ina Izlaeli ati, “Uzye pacani cino mwizila kuno ku kutulwisya, mwe azya yakwe Saulo mwe? Nemo nene ndi lamba lya ina Filisti. Aleni sololini umuntu wenga uwakuti twize tulwe nawe.

1 Samueli 9:2

Kisyi wakweti umwana umonsi wino yatemile izina iyati a Saulo. Saulo wali umulumendo umwi umuyembe sana cakuti mu ina Izlaeli kusi uwamulusizye ukuzipa. Wene wali umuntu umwi umusolopoke. Nupya wali umutali ukuluta yonsi.