Masamu 119:18 - Amazwi Yakwe Leza 2013

¹⁸ Njulile amanso uleke ndole ivinjelengwe ivyaya umu masunde yako.

Masamu 119:18 Iomraidhean Croise

Masamu 119:96

Natinsambilila ukuti ivintu vyonsi vili ni mpelelekezyo, lelo amasunde yako yene yaya afumaluke.

Ezaya 29:18

Mu wanda ulya yacipuuli yalauvwa kuno yalawelenga ulupapulo longa. Ni mpafu zino pa manso pafita fititi, nazyo lyene zilalolekesya.

Ezaya 32:3

Lyene amanso yakwe yayo akalola yatalazyata awe, na makutwi yakwe yao alalondesya kuuvwa yalakomoka.

Ezaya 35:5

Amanso ya mpafu yamalola, na matwi yakwe yacipuuli yamakomoka.

Oseya 8:12

Nayapile amalamulo avule yano yalembwa, lelo yene yayakana. Yakati amalamulo yayo aya inamasi.

Mateo 13:13

Pamulandu kwene uu, nkavwanga kunoyali mu milumbe, pano yangalolekesya lelo yatangalola ningo, nu kuvwa yanguvwa lelo yatangamanya.

Mateo 16:17

Yesu amunena ati, “Walongo a wewe, Simoni mwana wakwe Yoane. Pano pasi umuntu uwataumbula cii kunuli. Lelo Tata uwa mwiyulu uwatakuumbwila.

Mateo 20:33

Nazyo zimunena ziti, “Mwene, tukulonda kuti twalola.”

Yoane 9:39

Yesu avwanga ati, “Nizile mu nsi ku kupingula milandu ya antu onsi, kuti yao asyalola yalole, na yao akalola nao yaye impafu.”

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

Ayebulai 10:1

Masunde yakwe Mose yalanga umusango uzimantukile uwa vintu visuma vikwiza. Yene yali sile unkolanya wa vintu vikwiza. Acino nanti mpolelwa zyapeelwanga cila wanda na cila mwaka, lelo Masunde yakwe Mose yaposiwa ku maka ya mpolelwa kulenga antu yaye afumaluke.

Ayebulai 8:5

mulimo uno yasimapepo yakaomba wene ukukolanya nupya ulangililo wa vintu vya mwiyulu. Cili ndi vino cali mu manda yakwe Mose. Lino wene wali pipi nu kukuula Itaalu lya upangano, Leza wamunenyile ati, “Sininkizya ukuti umapanga vyonsi kulingana nu musango uno nakulanzile pa mwamba.”

Umbwilo 3:18

Nkukupanda mano, kuti lyene ukale zaabu kufuma kunondi, zaabu mwengululwe kuti uye mukama. Kala kunondi ni nsalu itiswe kuti uzwale na kuti usisye insonyi zya kupita tupu. Kala kunondi nu mulembo wa kwika mu manso kuti walola.