Masamu 118:24 - Amazwi Yakwe Leza 2013

²⁴ Ukwene uli wanda uno Yawe watupeela, katwasansamukila mwenemo nu kuzanga.

Masamu 118:24 Iomraidhean Croise

1 Yamwene 8:66

Alino uwanda wakwe cinani, Solomoni asalanganya antu kuti yaye kumwao. Yonsi pyu apakupita yataizya Solomoni wakwe cimwi nu kupita yapita nu luzango ulukalamba sana apamulandu ni vintu ivisuma vitupu vino Yawe wacitile umuomvi wakwe Davidi pamwi na antu yakwe aina Izlaeli.

Neemiya 8:10

Neemiya ayanena ati, “Pitangini muye mukalye inyama izinone. Mukamwe ni vyakumwa ivilyompe. Wiyo atakweti ivyakuteyanya nawe mumutumile kweneko, pano uwanda uu, uwanda umwi upaatwilwe Yawe Leza witu. Mutaezya mwateeza nanti ukukungumala, pano uluzango luno Yawe amamupeela lumamukomelezyanga.”

Masamu 84:10

Ukwikala wanda onga umwi sano lyako kwaluta amanda izimbi lyonga ukwikala kuze. Nupya ukwikala pa mulyango wa ng'anda yako we Leza, kwazipisya penepo ukucila ukwikala umu mang'anda ya antu aipe.

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Zakaliya 3:9

Si lolini, iwe lyonga mpo lino nemo niika pa manso yakwe Yoswa, lilyo ilili na matungi cinimbali! Nene nemwisikulu ne Yawe Wamaka yonsi namalembapo ivilembo, na pa wanda uli onga kwene ndafumya uyi mu mpanga ii.

Milimo 20:7

Pa wanda wakutandika mulungu tukongana pali pamwi ku kumokoola umukate wa wina. Paulo avwanga ku antu, atantalizya kuvwanga kufika usiku pakasi, pano wali nu kupita uwanda walondelela.

Umbwilo 1:10

Pa wanda wa Mwene Mupasi Wamuzilo aikila panondi nga nuvwa izwi likulu, lino ilyuvwikike kwati lya ntandala, ala likulanda ku cisila cane.