Masamu 115:4 - Amazwi Yakwe Leza 2013

⁴ Yene tuleza twao utuluwi twakwe siluva nu twakwe zaabu, tuto utwapangwa ni minwe ya antu.

Masamu 115:4 Iomraidhean Croise

1 Yamwene 18:26

Nayo ali pakutoola cipambasi wenga pali yano yalesile, nga iyateyanya na vyonsi ivyalondekwanga. Iyatandika nu kupepa Baali ukufika ni lanzi umutwe pakasi. Lyene yakuuta kuli Baali, yati, “Baali we, sitwasuke!” Yakasema yalya ale yakucina, yakuzinguluka kavuwa kano yakuuzile. Lelo Baali nawe ukwaula ukwasuka. Kutali uwakuti ayaasuke.

1 Yamwene 18:29

Ali vino yakonkinye ukuzamboka pa nsita ntali ukwaula kuti Baali wiyo ayaasuke. Nanti impwelo zisi zyakuvwika foo.

2 Yamwene 19:18

Ukwika penepo nu koca utuluwi tuleza twao, ututaya a tuleza twacumi. Twene twapangwa sile uku antu wa unkolanya sile, ukufuma ku vimiti na mawe.

2 Milandu 32:19

Yavwanga ivya civwangevwange pali Yawe Leza uwamu Yelusalemu, umu mwata uli umwi kwene uno yakavwangila mwenemo kuli tuleza twao utuluwi, tuno twapangwa ni minwe ya antu.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Ezaya 42:17

Lelo yayo yonsi ataila utuluwi, yayo akavwanga ku maunkolanya yati, ‘Mwemwe muli tuleza twitu,’ yene ndayavundanya nu kuyazewanya wakwe cimwi.”

Ezaya 44:10

Uzye umuzano cii uwaya mu kwengulula unkolanya nu kuupepa ungati ali Leza?

Ezaya 44:20

Umu cumi, icili conga nu kulya amakala. Amano yao auwelewele yayalozya kuze kuze sile. Yene yasiiluka foo, cakuti yavwanga yati, “Icintu cii cino ndemile icaufi nupya icaciwelewele.”

Ezaya 44:9

Yakapanga ya tuluwi yonsi kwene aciwelewele. Ivicitwa vyao vino yakasansamukila mwenemo, vitalayatumbwila cimwi. Antu yano yakapepa utuluwi tuto impafu, nupya iviwelewele. Yene yalemwa ni nsonyi.

Danieli 3:5

Zuwazuwa lino muvwa ukulila kwa ntandala, nga palondelela nu kulila kwa visekese, utungoma, amazeze, ni mitolilo ya misango yonsi, lyene mwensi kwene mulinzile kupona pansi nu kupepa iciluwi cakwe zaabu cino Nebukadineza wika.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Oseya 8:6

Kawaza uwamu Izlaeli aliwe uwapanzile unkolanya uo, asi Leza awe. Unkolanya waku Samaliya ulaputolwa mu tupimfya.

Milimo 19:26

Ndakai, mukuuvwa nu kuilolela mweisikulu vino umuntu wi Paulo akucita. Akuti yaleza apangwa na makasa ya antu yasi yaleza awe, nupya wataongola nu kupuulula antu aingi, muno mu Efeso na konsi mu muputule wa mpanga ya Asiya.

Milimo 19:35

Alino pa kusyalikizya kalemba uwamu musumba pa kumyalalika iumba alinena ati, “Mwe ina Efeso! Muntu wensi wamanya ukuti amu musumba wa Efeso ali yakalolela ya ng'anda ikulu yakwe Alitemi mukulu, nupya ali yakalolela aiwe ilyamuzilo lyaponyile kufuma mwiyulu.

Malango 4:28

Kuku kwene akuno mulatumikila tuleza utwapangwa na antu, tuleza utwapangwa ku miti na mawe, tuno tutangalola nanti ukuvwa, tuno tutangalya nanti ukununsya.