Masamu 110:3 - Amazwi Yakwe Leza 2013

³ Antu yako yalaipelesya, apa wanda uno wemo ulalwisya anisi yako. Ucindami wa wene, waukwasile lilya kwene lino wavilwe ala watuyemviwa nu kuyemviwa. Ali cino fwandi wemo, ukutandikila sile uku unya wako, waya nu wene wa pa mwamba wamuzilo.

Masamu 110:3 Iomraidhean Croise

1 Milandu 16:29

Lumbanyini izina lyakwe Yawe ilya lulumbi. Izini na mawila uku Ng'anda yakwe ikulu, kontamini inkolelo yakwe Yawe, nu kumupepa mu lulumbi lwa muzilo wakwe.

Neemiya 11:2

Alino antu yataizye antu auze yonsi aipeelisye ukuti yane yakaikala mu Yelusalemu.

Masamu 29:2

Pelini Yawe umucinzi, ulingine ni zina lyakwe, cindikini Yawe umwi sano lyakwe ilyamuzilo.

Masamu 96:9

Mufukamilini umu musolo wakwe, lino wamuzilo atacili afike. We nsi yonsi uwazakaza sile apa manso yakwe.

Ezekelo 43:12

Likwene lili lamulo lya Ng'anda ikulu yakwe Leza ino ilakuulwa papela ya mwamba. Incende yonsi apapela ya mwamba ukuzinguluka ing'anda iyo ilaya iyamuzilo kuluta. Likwene lili lamulo lya Ng'anda ikulu yakwe Leza.”

Mika 5:6

Yene yalacimvizya aina Asilya ku lupanga, ni mpanga yakwe Nimulodi yalaicimvya umu nkondo. Yene yalatukulula ku ina Asilya, lilyo lino yalingila mu mpanga itu, ku kutuponyezya inkondo.

Milimo 1:8

Lelo lino Mupasi Wamuzilo aliza panomuli, mulazuziwa na maka, mulaya yakambone yane mu Yelusalemu, mu Yudeya na monsi mu Samaliya, nga nu kufika na kuno insi yapela.”

Milimo 19:20

Mu musango uu uwa maka amuno mazwi ya Mwene yasalangine kuluta, yaomba umulimo na maka.

Milimo 2:33

Wene wakwela nu kwikala kwi kasa lilunji lyakwe Leza, nga wapokelile Mupasi Wamuzilo, kufuma kuli Isi, wakwe vino wamulavile. Na ndakai vii vino mukulola nu kuvwa, uwila wakwe Yesu uno watatuma panotuli.

Milimo 2:41

Lino aingi yuvwa ilandwe lyakwe, yalipokelela, nga yawatiziwa. Uwanda kwene ulya antu kulingana na mazimbi yatatu yailundanya kwi umba.

Milimo 21:20

Pacisila ca kumuvwa, yonsi yalumbanya Leza. Lyene yanena Paulo yati, “Mwina witu Paulo, watulola, vino Ayuda mazimbi aingi yati yataila muli Klistu nga nupya yaipelesya kuyela Masunde yakwe Mose.

Milimo 4:4

Lelo antu aingi auvwile Ilandwe lilya yataile, ni mpendwa ya alondezi ikulilako kufika manye mazimbi yasano.

2 Kolinto 13:4

Nanti angala wali umutonte lino yamutanyile pa lupanda, ndakai ali nu umi kupitila mu maka yakwe Leza. Swemo tuli atonte ndi vino Klistu wali. Lelo mulalola ukuti swemo tulaya nu umi kupitila mu maka yakwe Leza, ndi vino Klistu ali.

2 Kolinto 8:12

Ndi mukulondesya kupeela, Leza alapokelela uwila winu pakulola pali vino mukweti, pano asilolekesya pali vino mutakweti.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

Efeso 1:4

Na lino insi itali kuti iumbwe, Leza wene watusolwile mpiti kuti tuye akwakwe muli Klistu, pakuti tuye amuzilo nupya aula mulandu kunoli. Pamulandu wa kutemwa kwakwe

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

1 Tesalonika 4:7

Leza atatwama kuti twacita vya winyi, lelo watwama kuti tuye amuzilo.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

Umbwilo 7:9

Pacisila cakwe cii nceleka nga ndola iumba likulu cuze. Kutali nanti wenga uwange apende antu onsi. Antu yaa yafumile mu nko zyonsi, mu mitundu yonsi ya antu, mu misango yonsi ya antu nu mu ndimi zyonsi. Yene yaimi nkolelo ya cilimba ca wene na pa manso ya Mwana wa mfwele, ala yazwite mingila itiswe nupya yalemile makambalala mu minwe yao.

Yakapingula 5:2

Lumbanyini Yawe Aina Izlaeli yaifimile ukulwa Antu yaipile ku kuitemelwa kwao sile!

Yakapingula 5:9

Umwenzo wane ukuzanganzila yamusika ya ina Izlaeli, ukuzangila antu aipeezile ni nsansa. Lumbanyini Yawe!