Masamu 11:4 - Amazwi Yakwe Leza 2013

⁴ Yawe akaikala umwi sano lyakwe ilicindame. Icilimba cakwe icawene cayela apapela umwiyulu. Amanso yakwe yakalolekesya insi yonsi, ala akucevya ana ya antu.

Masamu 11:4 Iomraidhean Croise

1 Milandu 17:5

Intatala nikala umu ng'anda ukutandika sile lino nafumizye aina Izlaeli mu Eguputo, ukufika na pilelo kwene. Nemo nasaamanga ku na ku, nupya nikalanga mwi taalu.

2 Milandu 16:9

Yawe Leza wako akalola pa nsi yonsi pyu, nu kupeela akapeela amaka akucimvya kuli yayo yano imyenzo yao ikamufukilila. Kwene paa pene wacita ivintu upuwaupuwa. Ali cino fwandi, ukutandika sile ilelo umalwanga inkondo.”

Yobo 24:23

Limwi nalyo Leza akaleka antu kwene yayo aipe, yaikalile ku matwi cele, ala ukuya kwene amanso yakwe, asumvile sana kunoyali nu kupeketa imipitile yao yonsi.

Masamu 103:19

Yawe wasimpa icilimba cakwe umwiyulu nga aliwe akateeka vyonsi mu wene wakwe.

Masamu 113:5

Uzye aweni angalingana na Yawe Leza witu, wiyo uwikala apatumpuke apapela,

Masamu 139:23

Ncecete, we Leza, ulole umwenzo wane, unjezye pakuti umanye vino nkaelenganya.

Masamu 14:2

Umwi yulu Yawe akalolekesya ana ya antu, apa kulola ndi cakuti pali wenga uwamano, wiyo akasakamala Leza.

Masamu 18:6

Alino umu ulanda wane nalaizye Yawe. Napefile kuli Leza wane kuti angavwe. Wene umu Ng'anda yakwe ikulu, amauvwa izwi lyane. Inkuta zyane nazyo zyuvwika uku matwi yakwe.

Masamu 2:4

Yawe nawe apa cilimba cakwe ca wene umwiyulu ayaseka nu kuyatumfwa.

Masamu 33:13

Yawe wa mwiyulu akatamba, nu kulola ana ya antu yonsi.

Masamu 44:21

ngano wamanya mpiti. Pano inkama zyonsi izyaya umu myenzo ya antu, wemo wazimanya.

Masamu 66:7

Aliwe akateeka pee na pee uku maka yakwe, aliwe akaceceta antu ya mitundu. Mutaleka fwandi yacisanguka yayuvwa kunoli.

Masamu 9:11

Imbilini nyimbo zyakulumbanya Yawe, wiyo uwikala umu Zioni. Landilini ainamasi ivicitwa vyakwe.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Ezaya 66:1

Yawe wavwanga wati, “Iyulu ali cilimba cane, insi nayo ali cilyatilo ca ngazo zyane. Uzye ing'anda cii fwandi ino mungankuulila? Incende cii fwandi ino ningapuzilamo?

Yelemiya 17:10

Nene ne Yawe nkaceceta umwenzo wakwe cila muntu, nu kwezya amano yakwe. Nkapeela na cila wenga ukulingana ni micitile yakwe, ukulingana ni milimo yakwe ino akacita.”

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Mika 1:2

Uvwini, mwe antu amu mitundu yonsi, Si tezyini mwe antu mwensi, mwemuno mukaikala pano nsi. Yawe Wamaka yonsi ali mu Ng'anda yakwe ikulu, nga akumusinila pa milandu inu.

Habakuku 2:20

Lelo Yawe wene ali umwi Taalu lyakwe ilyamuzilo. Acino lekini umuntu wensi aye cele pa manso yakwe.”

Zakaliya 2:13

Mwe antu mwensi si myalalini sile apa manso yakwe Yawe! Pasi pano awiyo watavwandamuka ukufuma umu cifulo cakwe icamuzilo, akwiza kunotuli.

Mateo 23:21

Na wino wensi walapa mwi zina lya Ng'anda ikulu yakwe Leza, ala walapa mwi zina lyakwe Leza uwaya mwenemo.

Mateo 5:34

Nemo namunena nati, mutaezya kulapa, nanti kulumbula iyulu mu milapo, pano iyulu ali cilimba ca wene cakwe Leza.

Milimo 7:49

‘Umwene wati, Iyulu cili cilimba cane, ni insi cili cilimba ca ngazo zyane. Uzye lyene ing'anda ya musango ci ino mulankulila? Nanti uzye cifulo cane umwakupuzila cili kwi?

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Umbwilo 4:2

Lilyo kwene Mupasi Wamuzilo antungulula. Alino kuku kwiyulu indola cilimba ca wene na umwi atenzi penepo.