Masamu 109:23 - Amazwi Yakwe Leza 2013

²³ Nkuzimilila wa cinzingwa ca manguzi. Nkuuluka wa cikwe.

Masamu 109:23 Iomraidhean Croise

1 Milandu 29:15

We Yawe, umanyile ukuti mu umi witu tuli wa enyi na inamasi, ndi vino ivikolwe vitu vyali. Amanda itu akwikala pano nsi yali wa cinzingwa icikupita, nupya tutangutuka imfwa.

Yobo 14:2

Waya wi luwa ilikasapatuka nu kuonza, nga liwela linyala nu kuuma. Waya wa cinzingwa, icisiikalila pano cili.

Masamu 102:12

Lelo kwene we Yawe, awewe ukateeka pee, ni nkulo zyonsi zilakwiusya.

Masamu 144:4

Umuntu akoline sile nu mupu, nga na manda yakwe icili conga sile ni cinzingwa icikapita.

Kufuma 10:13

Caleka Mose akatusya intuwa mwi yulu na Yawe alenga umuza ukufuma ku ufumondaka kuti upunge. Umuza upunga uwanda onsi usiku nu musanya. Uwanda uno walondelilepo lino ilanzi likutunka, makanta ala wataandalala impanga yonsi ya Eguputo.

Kufuma 10:19

Yawe alenga muza uno wapunganga ukufuma ku ufumondaka kuti upunge ukufuma ku uwondaka. Muza iulwila makanta wensi pyu kuli Yemba Muyenzu. Kutali makanta nanti wenga wino wasile mu Eguputo.

Kasambilizya 6:12

Uzye aweni angamanya icingatuzipila mu manda itu anono aumi witu uwasilesile, umi uno ukapita wa cinzingwa? Uzye tungamanya uli icilacitika mu nsi pacisila ca mfwa itu?

Kasambilizya 8:13

Lelo antu aipe yene yakasyama. Umi wao waya wa cinzingwa. Yene yakafwa lino yacili ance, pano yasioopa Leza.

Yakobo 4:14

Mutamanya nanti vino umi winu ulaya pa mutondo! Mwemo mukoline wa cunsi, cino cikaloleka pa kasita kanono nupya icita kuloleka.