Masamu 108:11 - Amazwi Yakwe Leza 2013

¹¹ Uzye kwene umwelimo Leza watatutazyela? Uzye kwene usikwiza uye naswe ni vita vitu?

Masamu 108:11 Iomraidhean Croise

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 14:11

Lyene Asa apepa kuli Leza wakwe ati, “We Yawe, kusi umwi akoline nawe wiyo angatutuula. We Yawe, Leza witu, si ule utwazwe, pasi pano amuli wewe sile muno tusintilile amaka. Umwi zina lyako amuno twatitwizila apakulwisya iumba lya vita lilyo ilikalamba. Iye we Yawe, wewe Leza witu nupya kusi nanti wenga angakucimvya.”

2 Milandu 20:15

Wene wavwanzile ati, “Uvwini mwe Ayuda mwensi na mwensi mwe ikazi amu Yelusalemu alino nawe kwene mwene Yeosafati vino Yawe akumunena ati, ‘Mutuvwa intete nanti kutovoka pano ulwi uu usi winu. Lelo uwakwe Leza.

Masamu 44:9

Lelo kwene pali ndakai, awe cumi Leza watututazyela. Watuleka ukuti yatucimvya, watuta nu kupita pamwi ni vita vitu.

Mpendwa 10:9

Lyonsi lino mulaya umu nkondo mu mpanga inu, lino mukuipokolola ku anisi inu yano yatiyamuzanza, muce mulizye sile intandala zya nkondo. Lyene Yawe Leza winu atalamwilila, lelo alamutuula ku anisi inu.

1 Samueli 17:26

Davidi auzya aonsi aimi pipi na aliwe ati, “Uzye icani cino yali nu kucitila umuntu alakoma umwina Filisti wi, pa kufumya akalanda nu kuzewana kwa ina Izlaeli? Umwina Filisti wi, wino atasilamulwa, icani cino angacuzizya ivita vyakwe Leza wa umi nu kuvituka?”

1 Samueli 17:36

Nemo nakoma yacisama ni vinyama ivyakolana ni viuli, nga ndacita icili cimwi kwene ku mwina Filisti wii atamanya Leza, nupya wino wasausya ivita vyakwe Leza.