Masamu 103:12 - Amazwi Yakwe Leza 2013

¹² Ndi vino ufumondaka watalukana nu uwondaka, avino nawe akafuntusya uyi kunotuli.

Masamu 103:12 Iomraidhean Croise

2 Samueli 12:13

Davidi pali pakuvwanga ati, “Naifya kunuli we Yawe.” Natani nawe aasuka ati, “Yawe wakwelela. Utakufwa.

Masamu 113:3

Ukutandikila sile pano katunkila ukufika na pano kamawila Yawe kacindikwe.

Masamu 50:1

Yawe Leza Wamaka yonsi, awiyo wavwanga, walaizya insi yonsi, ukutandikila sile uku ufumondaka, ukufika nu ku uwondaka.

Ezaya 38:17

Apakucula kwene palasungutila umutende, pano awewe sile wenga ukampususya uku vikalipe vyonsi, nupya awewe ukamfumizya uyi wane onsi.

Ezaya 43:25

“Nene, endi nene kwene, anene nkafuta amaifyo inu, kuti ululumbi lwane luloleke. Nemo ntalatala mupele umulandu apa maifyo inu.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Ezaya 45:6

Cino nemo nacitila vii, umulandu wakuti ukufuma ku mpela yonga ya nsi, ukufika nu ku yuze kwene antu yamanye ukuti kutaya namuze suka nene nenga mpo. Nene indi Yawe, nupya kutaya namuze.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 50:20

Umu manda yaya na pa kasita kaka, mu mpanga yakwe Izlaeli mutalaya uyi foo, ni mpanga yakwe Yuda mutalaya inkota foo. Pano insyazi izilasyalako, ndaziyelela uluse.” Ivyalanda ne Yawe.

Ezekelo 18:22

Wene alelelwa uluse pa viipe vyakwe vyonsi, alaya nu umi pamulandu wakucita vilungame.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mika 7:19

Nupya kwene ulaya ni nkunkunsi kunotuli. Ulalyatola amaifyo itu, nu kuvwintila ukakasi witu mu maziya pali yemba.

Ayebulai 10:2

Ndi cakuti antu apepanga Leza mu cumi yaswefiwe ku maifyo yao, lyene yene yatange yasakamikwe pa maifyo yao nupya, nga nu kupeela kwa mpolelwa kungasila.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.