Masamu 102:27 - Amazwi Yakwe Leza 2013

²⁷ Wemo wayela sile mumu kwene muno wayela, ni myaka yako italatala ipelele apambiliwili foo.

Masamu 102:27 Iomraidhean Croise

Yobo 36:26

Icacumi amano itu yatange yafike penepo uku kumanya ukulu wakwe Leza, nanti ukupenda imyaka ino Leza ali nayo.

Masamu 90:4

Pano imyaka izimbi lyonga, kuli wewe yaya wa wanda onga sile, kwati uwanda wa mutundo uwapisile, kwati insita yonga iya usiku.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.