Masamu 102:14 - Amazwi Yakwe Leza 2013

¹⁴ Pano aomvi yako yatemwisya Zioni, nanti angala yamuongolola. Yakamulila nanti angala wasyala ivitalang'anda.

Masamu 102:14 Iomraidhean Croise

Ezila 1:5

Lyene intunguluzi zya ng'anda zya mitundu yakwe Yuda na Benjamini, yasimapepo na ina Levi, iyakatuka pamwi nu muntu wensi wino wakuntikilwe na Leza iyaiteyanya ukuya ku kukuula cipya cipya Ng'anda ikulu yakwe Yawe uku Yelusalemu.

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

Neemiya 1:3

Nayo yangasuka iyati, “Antu yayo asile pasi pakucula alino ni nsonyi. Iciumba icazinguluka Yelusalemu cawa nu kononeka, alino ni mpongolo zyakweo nazyo zyapya zyonsi pyu!”

Neemiya 2:17

Lelo nayanenyile inti, “Mwe yayame, silolini intazi ino tukweti pamulandu wakuti musumba wa Yelusalemu usile amatongwa. Impongolo zyakweo zyonsi nazyo izyononeke! Silekini tumane akapi, tukuule cipya cipya ilinga lya mawe, nga tumasisya umuzewanya pakasi kitu.”

Neemiya 2:3

Lelo nanenyile umwene inti, “Si kalukuwala uku mwene! Uzye kwene musambazi ningakana uli uku undalila nemuno umusumba wa vikolwe vyane, muno umwaya namalindi yao, watiusyala amatongwa nga ni mpongolo zyonsi nazyo zyati zipya nu moto?”

Neemiya 4:10

Lelo Ayuda yakweti ulwimbo luno yimbanga ala yakuti, “Twatitucepelwa amaka muno tukusenda ivisendo. Umutumba wa viunguluwe nao watiukulisya. Ntanzi ndi cakuti tulamala ni kuule litu.”

Neemiya 4:2

Avwanga na pa manso ya antu yano wali nayo, nga na pa manso ya vita vya ina Samaliya ati, “Icani cino Ayuda yakucita, antu yaa atakwata na maka? Uzye yalapeela impolelwa? Uzye cikulanga ukuti yamamalila uku kuululula ilinga lii mu wanda onga? Uzye yakupaalila ukuti yamatukulula amawe yano yatulumine umu mitumba kumwi ni njelwa izyoce, viye vino vyali?”

Neemiya 4:6

Lyene naswe ali vino twatwalilile ukukuula ilinga cipya cipya, nalyo lisuka lifika icimo ca muntu apakasi, apamulandu wakuti antu yalemine nu kwika umwenzo uku mulimo.

Masamu 119:126

We Yawe, insita yatifika yakuti ucitepo cimwi, pamulandu wakuti antu yasikuyela amasunde yako.

Masamu 79:1

Iye mwe Leza! Ainamasi yawililila impanga ya antu yako! Yatiyakowezya ni ng'anda yako iya muzilo, yatiyaongolola nu musumba wa Yelusalemu.

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Ezaya 40:2

Komelezini aina Yelusalemu. Yanenini muti awe cumi mwacula pavula. Uyi winu watiwelelwa uluse. Nemo ne Mwene winu nalungike apakumufulula apa uyi winu onsi.”

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Yelemiya 29:10

“Nupya Yawe wavwanga wati suka sile imyaka amakumi cinimbali ino yamupimila ku Babiloni ice isile, alino ndiza mupempule. Ndafikilizya nu ulayo uno nalavile apakumuwezezya umu ncende ii.

Yelemiya 30:18

Yawe wavwanga wati, “Lola, ndawezya antu yane ku mpanga yao nu kukwatila cila ng'anda uluse. Yelusalemu alakuulwa cipya cipya, ni sano li linga lilakuulwa nupya cipya cipya.

Danieli 9:16

We Mwene, uku mpiti watupokololanga, acino utatwalilila ukusokela Yelusalemu. Ala Yelusalemu umusumba wako, umwamba wako wamuzilo. Amaifyo itu ni nkota zya vikolwe vitu ivyalenga kuti antu atuzingulwike yasoweka Yelusalemu kumwi na swe antu yako.

Luti 1:6

Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.