Masamu 100:3 - Amazwi Yakwe Leza 2013

³ Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 100:3 Iomraidhean Croise

2 Yamwene 19:19

Ali cino fwandi we Yawe Leza witu, tupususye kweneko uku ina Asilya, apakuti antu amu mitundu yuze iya pano nsi yamanye ukuti awewe sile uli Leza, nga kutaya namuze.”

1 Milandu 16:14

Wene ali Yawe, Leza witu. Akateeka insi yonsi pano pansi.

Yobo 10:3

Uzye fwandi wemo icisuma vikwene vino ukuncuzya? Uzye caticikuzanzya ukusuula vikwene vii, umuntu wino waiumbile we mweneco umu minwe yako. Alino nukuzumilizya amapange ya antu aipe?

Masamu 119:73

Awewe wampanzile nu kumbumba na makasa yako. Umpeele ukwiluka, pakuti nsambilile amalamulo yako.

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Masamu 149:2

Izlaeli kazangile muli wiyo uwa muumvile. Antu amu Zioni kayazangile umu Mwene wao.

Masamu 46:10

Akavwanga ati, “Tiini ukulwa, mumanye ndi vino nene Leza umukulu pa mitundu yonsi pyu, nu mukulu pano nsi yonsi!”

Masamu 78:52

Nga alino Leza wafumizye antu yakwe wakwe kacema nga ayatungulula nu kuyapisya ulumi umu lwanga.

Masamu 79:13

Lyene ale naswe swe antu yako, swe mfwele zyako, tumakuwanzyanya pee, nu kukulumbanya imyaka yonsi ilalondelelapo.

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Kasambilizya 12:1

Acino uwaiusya kaumba wako lino ucili umwance, lino amanda ni myaka ya ulanda itali ikufikile, lino ulavwanga uti, “Awe nemo ntatala nailyokezya.”

Ezaya 63:11

Alino lyene yasuka yamaiusya amanda yampiti. Vino cali lino Mose umuomvi wakwe Yawe waliko. Alino lyene yatandika ukuuzyanya aeneco yati, “Uzye pilelo aukwi kwaya Yawe wino wapuswisye intunguluzi zya antu yakwe muli Yemba? Aukwi ukwaya Yawe wino wapiile Mose amanda yakwe ampomvu?

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.

Ezaya 64:7

Kutali uwakuti alaizye izina lyako, nanti wakuti aimilile, ale aemelile kunuli. Pano wemo watufisile icinso cako. Watusuula nu kutusuula apamulandu wa maifyo itu.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Ezekelo 34:11

“Nemo ne Yawe Simwandalali nkumunena ndi vino nene kwene ndalonda imfwele zyane, nupya nene kwene ndazisunga.

Yoane 17:3

Umi wapee uwakuti antu yamanye wewe, Leza wenga sile uwa cumi, nga nu kumanya Yesu Klistu wino watumile.

2 Kolinto 4:6

Calembwa mu malembelo cati, “Leza watile kuye luswepo, luyako.” Luswepo luyengesa mu mfinzi. Lyene ndakai Leza kwene wiyo akuyengesa mu myenzo itu kuti antu yamanye vino lulumbi lwakwe lukaloleka muli Yesu Klistu.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

Malango 4:35

Yawe wamulanzile ivintu vii vyonsi pakuti mumanye ukuti wene ali Leza wenga mpo nu kuti kutaya namuze foo.

Malango 4:39

Acino fwandi apilelo iusyini nupya mutakezye ukwilila ukuti Yawe ali Leza umwiyulu na pano nsi. Kutaya Leza namuze foo.

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.

1 Petulo 2:25

Mwemo mwakoline wa mfwele ziponge. Lelo ndakai Leza wamuwezya kuli Kacema nupya Kacingilila winu.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 4:19

Acino, yao akucula pamulandu wa kulonda kwakwe Leza, yene yalinzile kucita visuma nu kutaila Kaumba wino waya uwakutailwa.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.