Masamu 10:7 - Amazwi Yakwe Leza 2013

⁷ Imvwango zyakwe mwazula ivitipu, intumpu, ni ngofyo. Wene wakalauka ukulanda amazwi ya ukali aipe.

Masamu 10:7 Iomraidhean Croise

Yobo 15:35

Antu aipe yakaelenganya sile ukusangukila auze nu kucita iviipe. Imyenzo yao yazula uyi utupu, ufi nu ucenjezi.”

Yobo 20:12

“Nanti angala uyi ukauvwika ulyompe sana umu kanwa ka muntu umwipe, nanti angala wene akaufyofyonta nu kuumong'onya, auvimbilikizya na pisika lya lulimi lwakwe,

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Masamu 140:3

Yasongola indimi zyao wa nzoka, yakwata usungu umu tunwa twao wa nondo.

Masamu 140:9

Napa mutwe wakwe yao akandizizya cilumba cilumba, leka amapange yao pali nene yayafutukile alio kwene.

Masamu 144:11

Umpususye nu kuntuula uku minwe ya anisi yane akalale, ntuule uku maka ya inamasi, yayo asitala yavwanga ivya cumi nupya yakalapa ivya ufi.

Masamu 144:8

Yayo akavwanga ivya uwelewele, ni lunji lyao alino yakalapila ufi.

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Masamu 41:6

Yayo akwiza umukumfwilizya yakwizila viili, yakwizila umukulondelezya ivyakuntumpwila, nu kufuma yakwalazya mpanga yonsi.

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.

Masamu 50:19

Ala mwemo utulomo twinu, tukatotola sile iviipe. Nupya musiiuvwa ni nsonyi apa kutumpoka ufi.

Masamu 52:4

Watemwisya kutaka amazwi akanyengula umwenzo, makuole we!

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Masamu 58:3

Antu aipe yikalila sile ukuluvyanya. Yakasomba ufi ukutandikila sile pano yavyalilwe.

Masamu 59:12

Iviipe vyaya sile apa tunwa twao, ukulanda sile iviipe, yene lili lyasi lyao. Leka fwandi icilumba cao ciyalye! Pano yene yaya ni ntipu nu ufi apapela.

Masamu 59:13

Yonone uyi uyi, uyalovye pyu pyu pyu! Alino lyene antu yonsi yalamanya ndi vino wewe Leza akateeka Izlaeli, nu kuti fwandi uteko wako walimba insi yonsi!

Masamu 62:4

Kwene mwemo, ala mwimilile sile apa kumuseka, nu kumufumya apa ukama wakwe. Ala mwimilile sile apa kumutumpwila ufi nu kulanda amazwi kwati akumupolelela, lelo umu myenzo inu ala mukumutipwila sile.

Masamu 64:3

Indimi zyao zyala zyononeka, zyanyolwa wa vipanga. Na mazwi yao aipe yakapontomoka nu kuyavwinta wa nceto.

Masamu 7:14

Umuntu mwipe wene akaelenganya sile iviipe. Akapanga ukuleta ivyongo nu kwikalila sile ukutumpoka.

Masamu 73:8

Yakasoweka auze nu kulanda iviipe, yakwata ivilumba nu kupanga ivyakufyengelekezya auze.

Mapinda 21:6

Ivyuma vyakulonkela mu ucenjezi vyene visilengela ukulowa. Nupya vikatala visya umuntu ku pipi ni mfwa.

Mapinda 30:8

Utaleka nje uwantumpu kunuli, lelo funtusya ucenjezi onsi kunondi. Nupya utaleka nje umupina nanti umukama. Fwandi uwampelako sile icakulya icilingine,

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Amosi 8:4

Uvwini vii, mwemuno mukalyatola yayo aulilwa, mwemuno mukalonda ukonona apina amu mpanga kwene ii.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.