Masamu 10:16 - Amazwi Yakwe Leza 2013

¹⁶ Yawe ali kateeka wa pee na pee. Yayo akapepa tuleza tuze yalalowa umu mpanga yakwe.

Masamu 10:16 Iomraidhean Croise

1 Milandu 29:11

We Yawe, wewe mukulu nupya uwamaka, uwalulumbi, nu usambazi. Pano ivintu vyonsi umwiyulu na pano nsi ivyakwako. Uwene uwakwako we Yawe. Wewe uli mukulu mpo pa vintu vyonsi.

Masamu 145:13

Uwene wako uwene wa muyayaya, nga utesi wako uwa manda pe. Yawe wene akafikilizya amalayo yakwe, wene akalanga icikuku ku viumbwa vyakwe vyonsi.

Masamu 146:10

Yawe aliwe akateeka umuyayaya. A Leza wako, we Zioni, wino alateeka insita zyonsi.

Masamu 29:10

Yawe aliwe akateeka yayemba yonsi, nupya wene wikala pa cilimba cakwe ca wene umuyayaya.

Masamu 78:55

Azinga aikalangamo, lino antu yakwe yakuya mwenemo, nga aankanya ni nko zya ina Izlaeli impanga nu kuleka ukuti amuno yaikala.

Masamu 9:15

Ainamasi yatiyaponela umu viwina vino yimvile aisikulu. Ingazo zyao zyatizilemya umu nkose zino yatevile aisikulu.

Masamu 9:5

Wakalipila ainamasi nu kupezya aipe. Amazina yao yatalatala yiusiwe awe.

Masamu 9:8

Amaputwila imilandu yonsi nu wololoke, nu kuputwila imitundu imilandu umu ulungami.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Kufuma 15:18

We, Yawe wewe mwene amanda pe.”

Ezaya 33:22

Pano Yawe ali kapingula witu. Yawe ali kapela wa masunde, Yawe ali Mwene witu. Aliwe akatutuula.

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Nyimbo zya ndosya 5:19

Lelo wemo, we Mwene, ukateeka amanda pe nga ulatwalilila ukuteeka ukufika nu ku mpela ya nsita.

Danieli 4:34

“Lino imyaka cinimbali yapita, ne Nebukadineza ntumpula manso umwiyulu, nga amano yane yawela. Alino nani ndumbanya Leza Wapapelapela. Impeela umucinzi nu lulumbi kuli wiyo uwaumi pee na pee. “Wene amateekanga umuyayaya, nu wene wakwe ulikalilila amanda pe.

Danieli 6:26

Nemo nkupeela ilamulo lyakuti umuntu wensi umu wene wane onsi alinzile ukoopa nu kucindika Leza wakwe Danieli. ‘Wene ali Leza waumi, nga amateekanga amanda pe. Uwene wakwe utalatala ononwe, nu utesi wakwe utalatala usile.

Malango 8:20

Ndi mwakana kuyela Yawe Leza winu, lyene mulononwa wakwe vino alonona inko zizi zyuze lino mukuya apankolelo.

1 Timoti 1:17

Ndakai ku Mwene wape, wino asyafwa, asyaloleka, Leza wenga sile, kuye lulumbi nu ukulu, manda pe, Ameni.