Malango 9:7 - Amazwi Yakwe Leza 2013

⁷ “Mwaiusya cii nupya mutaca mwilile vino mwalenzile Yawe Leza winu ukusoka mu lwanga. Ukufuma sile pa wanda uno mwafumile mu Eguputo kufika na pa wanda uno mwafisile kuno mwemo mwasangukila Yawe.

Malango 9:7 Iomraidhean Croise

Kufuma 14:10

Lino aina Izlaeli yalola Falao ni vita vyakwe yafika pipi, yuvwa intete nga yapunda yati, “Yawe, twapapata tutuule!”

Kufuma 14:11

Yanena Mose yati, “Uzye watuleta kuti twize tufwile muno mu lwanga vwile? Uzye pamulandu wakuti mu Eguputo mutali incende ikulu ya malindi? Lola lyene vino wacita pa kutufumya mu Eguputo.

Kufuma 16:2

Mumu mu lwanga iuvi lyonsi likatuka liilizyanya kuli Mose na Aloni.

Kufuma 17:2

Caleka yailizyanya kuli Mose yati, “Tupele amanzi yakumwa.” Mose avwanga ati, “Uzye pacani cino mukuilizyanya? Uzye pacani cino mukwezya Yawe?”

Kufuma 23:21

Mwauvwila wiyo kwene, nupya mwauvwikisya vino akumunena pamulandu wakuti natimupeela maka yonsi. Ndi mwacita vikanza kunoli alasoka cuze.

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Yelemiya 44:9

Uzye mwilila uyi wa vikolwe vinu, uyi wakwe yamwene aku Yuda nu wa aci yao, nu uyi winu mweisikulu nu wa aci inu, uno wacitike mu mpanga yakwe Yuda nu mu miseo yamu Yelusalemu.

Ezekelo 20:13

Lelo kwene nu mu lwanga kwene namo kwene yansangukile nupya yatapitanga nu kulondela amasunde yane, yasuulanga ni vipope vyane, vino yali nu kuwaka kuti yalolelemo uumi. Yene yasuulilila ne wamuzilo yonona na Masabata yane. Nani ali pakupanga kuyaponyezya ukali wane mu lwanga nu kuyalovya mumu kwene.

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Mpendwa 11:4

Nga nupya kwene antu yamwi, maka maka ainamasi yano yapitanga nayo, yuvwa musu. Ali cino aina Izlaeli iyaswilizya ukuilizyanya yati, “Si cange cizipe umwi atupela inyama tulye!”

Mpendwa 14:22

kusi nanti wenga uwamu antu yaa yonsi alingila mu mpanga ilya. Yene yalola uluswepo ulwa ucindami wane ulwacatanga nga ni vilangililo vino nacisile mu Eguputo nu mu lwanga, lelo yanjezyanga amaila na maila nu kukanayela amazwi yane.

Mpendwa 17:10

Yawe anena Mose ati, “Swilizya intuwa yakwe Aaloni uyike pa nkolelo ya Mbokosi ya Upangano. Ali pano iyasungilwa pakuti aina Izlaeli yace yaiusya lyonsi ukuti ndi yantalamila, yacita impanzela, yalafwa.”

Mpendwa 21:5

Alino lyene iyatandika ukuilizyanya kuli Yawe na kuli Mose, yati, “Uzye pacani cino watufumizye mu Eguputo nu kutuleta muno mu lwanga umwakuti tufwe? Musi ivyakulya! Musi amanzi! Ivyakulya vii ivyaulanda vyativifuula!”

Mpendwa 25:2

Fwandi ale aina Moabu nayo yakwama antu ku kupeela impolelwa zyao kuli tuleza twao.

1 Kolinto 15:9

Nene munono kuluta pa atumwa yonsi nupya citandinzile kwamwa mutumwa pano nazunyizye iuvi lyakwe Leza.

Efeso 2:11

Caleka mwiusye vino mwemo mpiti mwali Akulukuwa. Nupya Ayuda yano akaitumika pano yasilamulwa yene yamanga mwemwe ukuti “Atasilamulwa.”

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 9:24

Mwemo mwasangukila Yawe ukufuma sile lino namanyile mwemwe.

Malango 9:4

“Pacisila lino Yawe Leza winu watayazinga mu mpanga pa manso inu, mutaca mwezye kulanda mu myenzo inu ukuti Yawe wamuleta kuno kuti mupoke impanga ii iye iyakwinu pamulandu wakuti mukacita ivyawololoke. Awe, asi vivyo. Lelo a pamulandu wa ukakasi wa antu amu nko zino Yawe akuzinga pa manso inu.