Malango 9:6 - Amazwi Yakwe Leza 2013

⁶ Lyene, manyini ukuti asi pamulandu wakuti mwemo mukacita ivyawololoke acino Yawe Leza winu akumupeela impanga ii ivunde kuti iye iyakwinu. Awe, mwemwe antu akome myenzo.

Malango 9:6 Iomraidhean Croise

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

2 Milandu 36:13

Zedekiya wasangukile umwene Nebukadineza nanti walavile apa manso yakwe Leza ukuti alamuombela nu kumuyela. Wene wakanyile sana ukuswilila kukutontela Leza, wa ina Izlaeli.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Kufuma 32:9

Lyene Yawe atwalilila kuvwanga ati, “Namanya antu kwene yaa, yene yakoma imyenzo cuze.

Kufuma 33:3

Mukuya ku mpanga ivunde cuze. Lelo nemo ntakupita namwe pamulandu wakuti mwemwe antu akome myenzo cuze, nupya limwi ningamonona mu nzila.”

Kufuma 34:9

Avwanga ati, “Yawe, ndi ukazangila munondi, nkukulenga kuti upite naswe. Antu yaa, yakomya imyenzo, lelo wemo utwelele inkota zitu na maifyo itu nupya utupokelele kuti tuye antu yako.”

Ezekelo 2:4

Antu yaa, yakoma imitwe nu kuumalala imyenzo, ali yano nkukutumako kuti ukayanene vino ne Yawe Simwandalali nalanda.

Ezekelo 20:44

Mwemo mwe ina Izlaeli, mulasininkizya ukuti nene indi Yawe, pano nemo nsimucita ukulingana ni mipitile inu iipe, ni misango inu ivulungane, awe. Vino nemo ndamucita, ivyakusunga sile umucinzi wane epela. Ivyalanda ne Yawe Simwandalali.”

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Malango 3:18

“Pa nsita ilya ali lino nayapile amalamulo ya, inti, ‘Yawe Leza witu watamupeela impanga ii yaku ufumondaka wa Luzi lwa Yodani kuti mupoke amuno mwaikala. Fwandi lyene leka asilika yonsi yaipangasye nga uyatume ku mbalama ya Luzi lwa Yodani yakolelele imitundu yuze ya ina Izlaeli, kuti yakayazwilizye ukupoka impanga nu kwikala mwenemo.

Malango 31:27

Natimanya ukutalama na ucisanguka wao vino waya. Yene yasangukila Yawe lino nemo ncili nu umi. Nupya mulalusya ukumusangukila pacisila ca mfwa yane.

Malango 9:13

“Nga Yawe avwanga kunondi ati, ‘Natimanya vino antu yaa yakoma myenzo.

Malango 9:24

Mwemo mwasangukila Yawe ukufuma sile lino namanyile mwemwe.