Malango 9:5 - Amazwi Yakwe Leza 2013

⁵ Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Malango 9:5 Iomraidhean Croise

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 13:15

Mpanga yonsi ino walola ndapeela kunuli nu ku amu mupanda wako, nga ilaya iyakwako amanda pe.

Utandiko 15:16

Palapita mikulo ini lino amu mupanda wako yalaweluluka kuno mpanga, pano lyene ukwifya kwa ina Amoli ala kwafika pa kuyavunuka.”

Utandiko 15:7

Lyene Yawe anena Abulamu ati, “Nene indi Yawe wino wakufumizye ku Uli mu mpanga ya ina Kalideya, kuti nkupele impanga ii iye iyakwako.”

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

Utandiko 26:4

Ndalenga ana yako kuvula wa ntanda zya mwiyulu, nupya ndayapeela impanga ii yonsi. Mitundu yonsi ili nu kunguzya kuti njipolelele wakwe vino natimpolelela ana yako.

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Ezekelo 20:14

Lelo nupya nasuzile sile pano nga nailetile sile nenga insonyi ku antu amitundu, alolanga kuno nayafumyanga mu Eguputo.

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Ezekelo 36:32

Mwe ina Izlaeli, nkulonda mumanye ningo ukuti nemo nsikucita vivyo vyonsi pamulandu winu foo. Nkulonda mwauvwa insonyi, pano mukaizewanya sile pa vintu vino mukacita. Ee, ivyalanda ne Yawe Simwandalali.”

Aina Levi 18:24

“Mutailenga kuya amifitalila pa kucita vintu vii. Pano avino akulukuwa yailenga ukuya amifitalila. Akulukuwa yano yakwikala mu mpanga ino mutacili mwingilemo, yano Yawe akufumyamo kuti mwingilemo.

Aina Levi 18:25

Micitile yao yalenzile kuti mpanga iye iyamifitalila. Caleka Yawe watavunuka impanga pakuti azinge antu yano yakaikalamo wakwe vino umuntu akaluka cilyo iciipe.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Milimo 3:25

Malayo yakwe Leza ukupitila muli yakasema yakwe yene akwe mwemwe, nga namwe mwemwe mpyanyi zya upangano uno Leza wapangine ni vikolwe vinu. Wakwe vino wanenyile Abulaamu ati, ‘Mu mupanda wako amuno inko zyonsi zilapolelelwa.’

Loma 11:28

Pano yakana Ilandwe Lisuma, Ayuda yaya anisi yakwe Leza pamulandu wakwe mwemwe mwe Akulukuwa. Lelo pamulandu wakuti Leza uwayasolwile, Ayuda yene a yacuza yakwe pamulandu wa vikolwe vyao.

Loma 15:8

Pano nkumunena vino Klistu watumikilanga Ayuda pa kulanga ukuti Leza uwa cumi pa kufikilizya vino walavile vikolwe vyao,

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 12:31

Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.

Malango 18:12

Yawe wapata umuntu ali wensi wino akacita vintu vii vyawinyi, nupya uli mulandu uno wene akuzinga inko zizi mu mpanga ilya lino mwemo mukuya pa nkolelo.

Malango 18:9

“Lino mulingila mu mpanga ino Yawe Leza winu akupeela kunomuli, mutaca mulondele vicitwa vyawinyi vino antu amu nko zizi yakacita.

Malango 20:18

Mulinzile mwayakoma, pakuti yatakaleke kuti mwifye Yawe pakusambilizya mwemwe ukucita vintu vyonsi ivyawinyi vino yakacita mu kupepa tuleza twao.

Tito 3:5

wene watutuuzile. Citali apamulandu wa vicitwa visuma vino twacita, lelo apamulandu wa mizu yakwe umwisikulu acino watutuulile. Wacisile cii pa kutufula mu maka yakwe Mupasi Wamuzilo, wino uwatulenga kuvyalwa cipya cipya nu kutandika umi upya.