Malango 9:12 - Amazwi Yakwe Leza 2013

¹² “Lyene alino Yawe wanenyile ati, ‘Tentemuka ukufuma pano likwene, pamulandu wakuti antu yano wafumizye mu Eguputo yatiyiifya. Yene yatiyafutatila zuwazuwa ilamulo lino nayapeezile nga yatiyaipangila akaluwi.’

Malango 9:12 Iomraidhean Croise

Masamu 78:57

Yamusangukila, yata nu kumutontela, vivya kwene ndi vino ivikolwe vyao vyacitanga. Iyaya sile cuze cuze, yatalama wa ulapwa uvyongane.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 32:1

Lino antu yalola ukuti Mose walengela kwika ku mwamba atawezile, iyakongana kuli Aloni. Alino yamunena yati, “Iza kuno utupangile leza wakuti atutungulula, pamulandu wakuti tutamanyile cino cati ciponela Mose wino uwatutungulwile pa kufuma mu Eguputo.”

Oseya 6:4

Lelo Yawe akuti, “Mwe aluko lwakwe Efulemu, uzye icani cino namamucitila? Namwe mwe aluko lwakwe Yuda, uzye icani cino namamucitila? Ukutemwa kwinu kuli wakwe kungwi, wino akasalangana umu katondo, kukoline nu lumi ulukakuntika katondotondo.

Galatiya 1:6

Nkuzunguka pamulandu wa miyele inu! Kwaula kusumba insita mwemo mukufutatila Leza wiyo uwamusolwile kupitila mu cikuku cakwe Klistu, nga nupya mukutaila ilandwe lyuze.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 5:15

Uwiusye ukuti watazile uya umuzya mu mpanga ya Eguputo, nu kuti Yawe Leza wako wakufumizye mwenemo ku maka yakwe ataikulila ni kasa lyakwe livunguluke. Caleka Yawe Leza wako watakupeela ilamulo kuti wacindika uwanda wi Sabata.

Malango 9:16

Lyene lino nalolekisye, naweni ukuti mwatimwifya kuli Yawe Leza winu. Mwemo mwaipangile akaluwi mu musango wakwe cipambasi. Mwafutatile zuwazuwa ilamulo lino Yawe wamupeezile.

Malango 9:26

Nga nani napefile inti, ‘Iye, we Yawe Simwandalali, utezya wonone antu yako, antu yako kololo yano wakulwile nu kuyafumya mu Eguputo ku ulamba na maka yako akulu.

Malango 9:29

Lelo yene antu yako, akwako kololo yano wafumizye mu Eguputo ku maka yako akulu nu ulamba.’

Yuda 1:10

Lelo antu yaa, yakapontela cintu consi cino yatiiluka. Ndi vino inyama zya mpanga zyaya, vintu vino yamanya mu civyalilwa vyaya ivintu vilayonona.

Yakapingula 2:17

Lelo nalyo kwene aina Izlaeli yatuvwilanga intunguluzi zizi. Pasi pano yene yacisile ngati uzelele pa kufukamilanga tuleza tuze nu kutupepa. Ivikolwe vyao vyayezile amalamulo yakwe Yawe, lelo antu amu mukulo uu yene zuwazuwa yata ukuyela.