Malango 8:7 - Amazwi Yakwe Leza 2013

⁷ Yawe Leza winu akumuleta mu mpanga ivunde, ino yakwata inguzi ni viziya, nga nu tufukoka twa manzi yano yakapompolokela mu vifoloma nu mu myamba.

Malango 8:7 Iomraidhean Croise

Utandiko 49:11

Akanyepelela mwana punda mu calo ca matingi. Mu matingi asuma cuze. Pano waini wavula ngati amanzi kunoli, Yuda angafula vyakuzwala vyakwe mwenemo.

2 Yamwene 18:32

Mpaka umwene waku Asilya akamufisye ningo umu mpanga inu, mumo umwaya indya nu kumwa ivyakumwa ivisuma. Impanga iya miolivi nu uci, muno mulapita ulongo ukwaula ukufwafwa. Mutuvwa kuli Hezekiya pano akumusomba sile, lino akuti Yawe alamutuula.

Masamu 104:10

Nga wemo walesile ni ntulo zya manzi zyafukoka umu vifoloma nu kukonkoloka apakasi ka milundu.

Masamu 106:24

Yasuula impanga ya nsansa, pakukana zumila amazwi yakwe Leza.

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Ezaya 36:17

Suka sile lilyo lino ndiza imusende nu kumutwala umu mpanga ino yaya wa mpanga inu, umwaya ivyalo vya matingi vyakupangila waini umupya, impanga umwaya ingano zyakupangila imikate.

Ezaya 5:1

Kanimbile cuza wane ulwimbo lwa citemwiko cino wakwatila icalo cakwe ca matingi. Ala cuza wane wakweti icalo cakwe ca matingi, cico icali pa mwamba uwa muvundo.

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Ezekelo 17:5

Nupya wizile asenda umusonga wa mutingi nu kuya ulema mu musili uvunde umu mbali ya luzi umwali amanzi avule, pakuti uce ukaye ilumba lya muti.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Malango 8:6

Acino lyene, mulinzile mwacita wakwe vino wapeezile ilamulo kunomuli, mule mukwikala viine na masunde yakwe nu kumucindika.

Malango 8:8

Impanga iya uzombozi wa ngano na baale, na matingi, ni misamvu, ni viseekwa vya pomegeleneti, na mafuta ya miolivi, nga nu uci.

Yakapingula 18:10

Lino mwafika kweneko, mulazana ukuti ukwaya antu atange yamutunganye nanda cimwi. Nupya impanga iyo ikulu umwaya konsi kano umuntu akalonda. Fwandi ili mpanga ino Leza wapeela kunomuli.”