Malango 8:16 - Amazwi Yakwe Leza 2013

¹⁶ Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Malango 8:16 Iomraidhean Croise

Utandiko 22:1

Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

2 Milandu 32:31

Nanti sile lino na alasi yaku Babiloni yatumile uku kumuuzya ivyapa cinjelengwe cimwi icacitike umu mpanga ilya, Yawe wamutazyezile apakumwezya nu kulola ivili umu mwenzo wakwe.

Yobo 42:12

Yawe nawe ali pakupolelela imikalile yakwe Yobo ukuluta napali vino watenzi mpiti. Fwandi lyene Yobo akwata imfwele amazimbi ikumi na yani. Ingamila amazimbi mutanda, yamasaye akulimila kumwi na yapulao izimbi lyonga. Yapunda akaci nayo izimbi lyonga.

Masamu 119:68

Iye mwe vino wazipa, vino waya nu luse! Nsambilizye amasunde yako.

Kufuma 15:25

Mose apapata kuli Yawe, alino Yawe amulanga kamuti. Mose atoola kamuti akasumbila mu manzi, na manzi yaluluka. Kuku kwene akuno Yawe ayapeela amasunde akuti yalondela mu wikazi wao. Yawe ayezya kuti alole ndi yangayela amasunde yakwe.

Kufuma 16:15

Lino aina Izlaeli yacilola yatacimanyile foo, nga yauzyanya yati, “Uzye cii icani?” Mose aasuka kunoyali ati, “Cii icakulya cino Yawe watapeela kunomuli kuti mulye.

Kufuma 16:31

Aina Izlaeli yatemela ivyakulya vivi izina yati, “Mana.” Mukuloleka mana walolekanga ngati tupece twa nkona, nupya tutiswe. Ndi walya utulyompe ngati umukate wa mpanda upapatale uno yapangila nu uci.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Danieli 11:35

Yamwi mu ntunguluzi zizi zyamano yalakomwa, lelo pamulandu wakwe cii antu yalasangululwa. Cintu cii cilatwalilila mpaka ukufika nu kumpelelekezyo, umu nsita ino Leza wasonta.

Loma 8:28

Nupya twamanya ukuti mu vintu vyonsi Leza akaomba kuti vizipile yao amutemwa. Yao ali yano Leza waama pano lyali lili pange lyakwe.

2 Kolinto 4:17

Macuzi itu angupale ansita inono, lelo yakatuletela lulumbi lukulu kuluta pa macuzi nupya ulwa pe.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Yakobo 1:12

Walongo umuntu wino akatwalilila kuya mutailwe lino akweziwa, pano lino wacimvya kweziwa, wene alapeelwa umi wa pe, wila uno Leza walaya yao amutemwa.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.