Malango 7:8 - Amazwi Yakwe Leza 2013

⁸ Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

Malango 7:8 Iomraidhean Croise

Utandiko 19:16

Loti atala asitooka. Lelo Yawe wali na mizu kunoli. Icaleka angeli yalema Loti nalwikasa, umuci na ana yakwe, nga yayafumya kunzi ya musumba.

Utandiko 19:29

Lelo lino Leza wononyile imisumba ilya yamu cifoloma, wiwisye kupapata kwakwe Abulaamu kuti Loti apusuke.

2 Samueli 22:20

Wene wangazwilizye amfuntusya ku uzanzo. Wantuuzile pano wazangile munondi.

1 Yamwene 10:9

Alumbanyiwe Yawe Leza wako, wino wazangila munuli pa kukulasika apa wene mu Izlaeli. Pamulandu wakuti ukutemwa kwakwe ku ina Izlaeli ukwa manda pe, wene wakucita ukuya umwene wao pakuti wateeka mu ulungami nu wololoke.”

1 Milandu 16:16

Akaiusya upangano ulya uno wene wacisile na Abulaamu, umulapo uno wene wacisile kuli Isaki.

2 Milandu 9:8

Kalumbanyiziwe Yawe Leza wako! Watalanga apaswe vino watemilwe ukuti uye umwene wakuteeka impanga. Pasi pano watemwa antu yakwe yano waisolwile umwisikulu. Uli mulandu kwene uno wemo wakulasika apa cilimba ca wene pakuti ungayapingwila imilandu ino yakweti umu ulungami nu mu ololoke.”

Masamu 105:42

Pano wiusyanga ulayo wakwe uwamuzilo uno wanenyile Abulaamu umuomvi wakwe.

Masamu 44:3

Visi vyanzo vyao foo, kuno yacimvizye impanga. Nanti asi uku vyanzo vyao foo, kuno yapokile impanga. Lelo uku maka yako nu ku kukalala kwako sile. Pano lyonsi sile wayanga nayo, nu kuyatemwa wayatemilwe.

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Kufuma 13:14

“Mu manda akwiza, ana inu yalamuzya yati, ‘Uzye cii cikusenula cani?’ Mulayaasuka muti, ‘Pakuti tufume mu Eguputo kuko kuno twali mu uzya, Yawe waomvizye maka yakwe akulu.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 20:2

“Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Ezaya 43:4

Pano kunondi wemo wacindama wakwe cimwi, ali cino ndakukauzya na antu. Pano wewe wamutengo ukulu pa manso yane, nupya nakutemwa ndakauzya umi wako ni mitundu ya antu.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 31:3

Yawe watulolekile ukutali ati, “Namutemwa citemwiko camuntasila ali cino nemo natwalilila nu kumucitila uluse lyonsi.

Ezekelo 36:22

“Fwandi lyene nena aina Izlaeli uti, Yawe Simwandalali akuti mwe ina Izlaeli ala asi pamulandu winu uno nacisile vii, lelo apamulandu sile wi zina lyane lino mwasawisye mu mitundu muno mwasalanganile.

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Zefaniya 3:17

Yawe Leza winu waya namwe, amaka yakwe akalenga ukuti mwacimvya. Yawe alasansamukila munomuli, nupya wene alamupeela umi upya, pasipano mwemo wamutemwa. Mwemo alamuzangila nu tupundu twa nsansa,

Malaki 1:2

Yawe akuti, “Nemo natemwa mwemwe.” Lelo mwemo mukati, “Uzye mwatutemwa uli?” Yawe wavwanga wati, “Uzye Esau atali umwina wakwe Yakobo? Nemo nasola Yakobo.

Mateo 11:26

Endi Tata, cii acino walondanga kuti cicitike.

Luka 1:55

Vii avino walavile kucitila Abulaamu na yonsi amu mupanda wakwe, amanda pe.”

Loma 11:28

Pano yakana Ilandwe Lisuma, Ayuda yaya anisi yakwe Leza pamulandu wakwe mwemwe mwe Akulukuwa. Lelo pamulandu wakuti Leza uwayasolwile, Ayuda yene a yacuza yakwe pamulandu wa vikolwe vyao.

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 10:15

Nga lelo Yawe wisile umwenzo pali yaso nu kuyatemwa wakwe cimwi. Nupya pa nko zyonsi wasolwile sile mwemwe, mwe amu mupanda wao, wakwe vino cili ilelo.

Malango 23:6

Ukufika sile na pano mulayelelela wa mutundu, mutakezye ukucita akantu kali konsi aka kwazwilizya imitundu iyo nanti ukuilenga ukuya nu longo.

Malango 33:3

Yawe watemwa antu yakwe nupya akacingilila akwakwe Acino twafukama pa ngazo zyakwe nu kuyela amasunde yakwe.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 5:6

‘Nene indi Yawe Leza winu, wino walenzile kuti mufume mu mpanga ya Eguputo, kuko kuno mwali azya.

1 Yoane 4:19

Swemo tukatemwa pano Leza uwatandike ukututemwa.

1 Samueli 12:22

Pasi pano pamulandu wakucindika izina lyakwe ilikulu Yawe atalamutazyela awe, pamulandu wakuti wene walapa nu mulapo ukuti amamucita ukuya antu yakwe kololo.