Malango 7:25 - Amazwi Yakwe Leza 2013

²⁵ Mulinzile ukoca utuluwi twao. Mutaca mwezye kukumbwa nanti ukusenda siluva nanti zaabu wino yakoweka utuluwi tuto. Ndi mwaca mwacita vivyo, ale lyene mungailetelela sile, pamulandu wakuti Yawe wapata ukupepa utuluwi.

Malango 7:25 Iomraidhean Croise

2 Yamwene 23:14

Umwene Yosiya nupya atamola nu lucesi lwa mawe luno yimike nu kukomola ulucesi lwa unkolanya wakwe Asyela luno lwali ulucindame sana, nu kukolana lwakoline nu mwanaci. Aluno yapepanga pa kumucindika wakwe Leza wao. Na payelile ivintu vivyo, Yosiya aimika penepo amafupa ya antu.

1 Milandu 14:12

Aina Filisti nayo iyasya tuleza twao kuku kwene, nga Davidi apeela ilamulo kuti yatoce.

Kufuma 20:17

“Utakumbwa ng'anda ya muzo. Utakumbwa umuci wa muzo, nanti muomvi wakwe umonsi, nanti muomvi wakwe umwanaci, nanti masaye wakwe, nanti punda wakwe, nanti icili consi cino wakwata.”

Kufuma 32:20

Lilyo kwene aya atoola umwana wa ng'ombe wino Aaloni wapanzile aoca, amusungulula amusyunola wa usu, nga amusumbila mu manzi. Alino alenga kuti aina Izlaeli yamwe amanzi kwene yaya.

Kufuma 8:26

Mose aasuka Falao ati, “Citangazipa kuti incite cico pamulandu wakuti cili icawinyi ku ina Eguputo lino tukupeela inyama zii wa mpolelwa kuli Yawe Leza witu. Ndi twaomvya inyama zii lino tukupeela impolelwa, na ina Eguputo yakutulola, lyene yalatutama na mawe mpaka imfwa.

Ezaya 30:22

Utuluwi twinu tuno yapomela na siluva, na tuno yapomelela na zaabu mulatutoola nu kutusumba ungati avino yakasumba usaali, ala mukuti, “Yangini ukutali mwe vintu vya ciwelewele mwe!”

Ezaya 41:24

Ele yame, ivyani vino mungacita! Na antu kwene yano yakamufukamila yakacita sile ivya winyi!”

Aina Levi 13:52

Simapepo alinzile ukoca insalu iyo, pamulandu wakuti civuvume cikukulilako pa nsalu, cico cino cilinzile kononwa mu moto.

Aina Levi 19:4

“Mutansya nu kuseleukila ku kupepa tuluwi. Mutaipangila tuleza twavyela nu kutupepa. Nene Yawe Leza winu.

Zefaniya 1:3

Ndonona antu ni nyama kwene. Ndonona ivyunyi vyamu lwelele nga ni nswi zyamuli yemba. Antu aipe ndayawisya. Ndonona mitundu ya antu kuti patakasyale umuntu nanti wenga pano nsi. Avino Yawe wavwanga.

Malango 12:3

Muce momolole utuvuwa twao, mutamole ni viumbili vya mawe, nu kuputola incesi zyakwe Asyela. Muputole nu tuluwi twakwe tuleza twao nu kulovya amazina yatuko mu ncende zizya.

Malango 13:16

Alino lyene muce mukolonganike iviya vyonsi ivyamu musumba uwo apakasi ka musolo. Ali pano muce mukavyoce wa wila wakoca onsi kuli Yawe Leza winu. Umusumba uwo ulinzile wasyala itongwa, nupya cisi cakwezya uku ukuululula cipya cipya.

Malango 17:1

“Mutakezye ukupeela Yawe Leza winu impolelwa ya ng'ombe nanti imfwele ilemale. Yawe wapata cico.

Malango 23:18

Nanti ulupiya kwene luno yangakwilila umu nzila iyo lusi lwakwezya kutwala mu Ng'anda ikulu yakwe Yawe Leza winu, pa kuya fikilizya ulayo uno walavile kunoli. Yawe wapata yakacita ya uzelele aku Ng'anda ikulu yakwe Leza.

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 7:16

Muce monone antu ya nko zyonsi yano Yawe alapeela mu makasa inu. Mutakezye ukuyuvwila uluse, nanti ukupepa tuleza twao, pano lyene mungailetelela sile.

Malango 7:5

Acino muce momolole utuvuwa twao, mutamole viumbili vya mawe, nu kuputola incesi zyakwe Asyela, kaleza kanaci, nga nu koca utuluwi twao tonsi.

Yoswa 7:1

Lelo aina Izlaeli yamwi yatali acumi ku ciindo cino icakumile ivintu vino vyapeelwa ku kononwa. Akani umwana wakwe Kalimi, umwana wakwe Zimuli, umwana wakwe Zela, uwa mutundu wakwe Yuda, atoola ivintu vimwi vino yainzile. Caleka ukali wakwe Yawe ufulumila aina Izlaeli.

Yoswa 7:21

Pali vino twasamfile naweni ikoti ilisuma sana ilyaku Babiloni, na siluva angalingana impiya zya masyekele amakilogalamu yaili, ni ciulungwa cakwe zaabu icinyome ukucizya pali citika wakwe kilogalamu. Nakumvilwe ivintu vii nu kuvitola. Vyonsi vii mumavizana umwi taalu lyane amuno navifisa, kumwi na siluva umwisika lyaviko.”

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”