Malango 7:21 - Amazwi Yakwe Leza 2013

²¹ Acino mutaca mwaoopa antu yaa. Yawe Leza winu ali namwe. Wene a Leza wa maka wino antu yalinzile ukoopa.

Malango 7:21 Iomraidhean Croise

2 Milandu 32:8

Wene akweti sile impuka ya vita iya antu. Lelo swemo twakwata Umwene Leza witu uwakutwazwa nu kutulwisizya inkondo zitu zyonsi.” Mukwai antu apa kuuvwa amazwi yakwe Hezekiya umwene waku Yuda, iyakomeleka nu kukomeleka.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Neemiya 4:14

Apacisila cakulola ukuti yacili yakuvwa intete, inkatuka nu kunena asambazi ni ntunguluzi zyao pamwi na antu yauze inti, “Mutoopa anisi yaa. Mwiusye ndi vino Yawe umukulu nupya uwa koopa. Acino lwisizini antu inu, ana inu, aci inu nga na mang'anda inu.”

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Masamu 27:1

Yawe ali luswepo lwane na katuula wane, kusi cino ningoopa. Yawe akantuula kuli vyonsi ivya uzanzo, fwandi kusi wino ningoopa.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:5

Leza akaikala umu musumba uo uno utalatala uwe, pano wene kumacaca, ala wataiza ku kuucingilila.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Masamu 47:2

Mukwatile Yawe Wapapelapela icoopo, pano ali Mwene Mukalamba, akateeka impanga zyonsi.

Masamu 68:35

Iye mwe! Icumi we Leza walinga ukukukwatila icoopo umwi sano lyako ilyamuzilo. Icacumi Leza wa ina Izlaeli, akapeela amaka nu kukomya antu yakwe! Endita! Kulumbwe we Leza!

Masamu 89:8

We Yawe Leza Wamaka yonsi, uzye aweni uwaya na maka wakwe wewe, wemuno watailwa muli vyonsi?

Masamu 95:3

Pano Yawe ali Leza Mukulu, ali Mwene mukulu pali tuleza tonsi.

Kufuma 29:45

Ndikala pakasi ka aina Izlaeli, nupya ndaya Leza wao.

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Mpendwa 13:9

Ukufuma mu mutundu wakwe Benjamini, a Paliti umwana umonsi wakwe Lafu.

Mpendwa 14:14

lyene ali vino yalalandila antu akaikala mu mpanga kwene ii. Antu yaa yamanya ukuti we Yawe uli naswe, nu kuti mukalolana na antu ntontonto pa manso lino ikumbi lyako lyaya pa cifulo cino yakaikala mwenemo. Nu kuti ukayakolelela pa nkolelo musanya mu mvumba yi kumbi, nu usiku namo mu mvumba ya moto.

Mpendwa 14:42

Mutezya mulemele kweneko pano Yawe asi namwe, nupya mumacimviwa na anisi inu.

Mpendwa 14:9

Acino mutatalamila Yawe nupya mutoopa antu amu mpanga ilya, pano tulayacinzola sile. Tuleza twao twatitufuntuka kunoyali. Lelo swemo Yawe ali naswe. Caleka mutayoopa foo.”

Mpendwa 16:3

Awe mukwai yonsi yao iyakonganila Mose na Aaloni iyayanena yati, “Awe lyene cafula! Antu yaa yonsi akwe Yawe, nupya Yawe ali naswe kwene swensi. Uzye lyene pacani cino wemo Mose ukuyuvwa nu kuika papeela ukucila umuntu wensi umwi uvi lii?”

Mpendwa 21:34

Yawe anena Mose ati, “Utamoopa, pano namakupeela ucimvyo pali aliwe, na pa antu yakwe onsi, nga na pa mpanga yakwe. Ucite kunoli wakwe vino wacisile kuli Siooni umwene wa ina Amoli, uwatesile mu Hesyiboni.”

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

Mpendwa 9:20

Nsita zimwi ikumbi likalanga sile amanda yanono apapela yi Taalu. Api lamulo lyakwe Yawe aina Izlaeli yakuulanga insakwe zyao, nupya api lamulo lyakwe iyatenuka.

1 Kolinto 14:25

alino vifisame vyamu mwenzo wakwe vilaumbulwa paswe, nga nawe alafukama ainame nu kupepa Leza, ale akulanda ati, “Cumi kwene Leza ali pakasi kinu.”

Malango 1:21

Lolini, Yawe Leza winu watamupeela impanga. Yangini mukapokolole impanga ilya wakwe vino Yawe, Leza wa vikolwe vinu, wamunenyile. Mutuvwa intete nanti kutovoka.’

Malango 10:17

Acino lyene mumanye ndi vino Leza winu ali Leza uwaluta yaleza yonsi. Wene umukulu nupya uwamaka nu wakoofya, wino ataya na kasoozi nupya asizumila kutoola amafukakanwa.

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Malango 25:8

Alino intunguluzi zyamu musumba uwo zingamwama nu kulanda kunoli. Ndi cakuti acili akukana ukutoola mulamu wakwe,

Malango 31:17

Lino cico icamwata uwo cilacitika indayasokela cuze. Indayatazyela cakuti lyene nu kuzanzwa yalazanzwa. Lino amazanzo avule yalayacitikila ali lino yalamanya ukuti ivintu vii vikuyacitikila pamulandu wakuti nene, ne Leza wao, insi nayo nupya.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu

Yoswa 8:1

Lyene Yawe anena Yoswa ati, “Utuvwa intete nanti ukutonsiwa. Senda ivita vyonsi, nga mupite ku kuzanza umusumba wa Ai. Pasi pano natimpeela umwene waku Ai mu makasa yako, kumwi na antu yakwe, umusumba wakwe nga ni mpanga yakwe.

1 Samueli 4:8

Kalanda kunotuli! Uzye aweni amatutuula ku maka yakwe leza wi uwa maka? Wikwene ali leza wino wakomile aina Eguputo ku vilumbelo ivipusanepusane umu lwanga.