Malango 7:19 - Amazwi Yakwe Leza 2013

¹⁹ Mwiusye ivilumbelo iviipisye vino mwailolile na manso inu, pamwi ni vinjelengwe ni vizungusyo, nga na maka akulu nu ulamba uno Yawe waomvizye apakuleka kuti muye antungwa. Mu musango uli onga uno wene wononyile aina Eguputo, avino ali nu konona antu yaa yonsi yano mwemo mukoopa pali ndakai.

Malango 7:19 Iomraidhean Croise

Masamu 136:12

kwikasa lyakwe ilya maka ilitambalale, pano luse lwakwe ulwa pe na pee.

Masamu 44:4

Wemo wewe musambazi wane na Leza wane, wewe ukalenga ukuti antu yako yacimvye.

Masamu 77:12

Namaelenganyanga pali vyonsi vino wacita, namakutumalangapo mu milimo yako yonsi.

Kufuma 6:6

Caleka nena aina Izlaeli ukuti Yawe wavwanga wati, ‘Nene indi Yawe, nga ndamukulula ukufuma ku uzya wa milimo ikome ino aina Eguputo yamutwika. Ndaomvya maka yane nu kuvunuka aina Eguputo pakulu cuze. Nupya ndamutuula.

Malango 29:3

Mwailolile mweisikulu ivilumbelo ivipisye alino ni vinjelengwe pamwi ni vizungusyo ivikulu vino Yawe Leza wacisile.

Malango 3:21

“Lyene napeezile Yoswa ilamulo, inti, ‘We mwisikulu wailolile vyonsi vino Yawe Leza wako wacisile kuli yamwene yaya yaili, Siooni na Ogi. Ali vino ali nu kucita ku mwene ali wensi uwikala mu mpanga ino mulasawanga nu kwikala mwenemo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Yoswa 10:25

Alino Yoswa anena yamusika yalya ati, “Mutuvwa intete nanti ukutonsiwa. Posyini nupya muzyansye. Pano avili vino Yawe alacitila anisi inu yonsi yano mulalwisya.”

Yoswa 24:17

Pasi pano Yawe Leza witu umwisikulu uwatufumizye mu uzya mu Eguputo, sweswe ni vikolwe vitu, nga acita ni vinjelengwe vivi vikulu pa manso itu. Wene watucingilile pa lwendo lwitu lonsi nga na pakasi ka antu amu nko zyonsi muno twapisile.

Yoswa 3:10

Lino mulaya pankolelo, wene atalaposiwa ukumuzingila aina Kenani, aina Hiti, na ina Hivi, na ina Pelizi, na ina Giligasi, na ina Amoli nga na ina Yebusi. Vii avino mulamanya ukuti Leza wa umi ali pakasi kinu