Malango 7:12 - Amazwi Yakwe Leza 2013

¹² “Ndi mwasumba amano ku masunde yaa nu kutekela ukuyalondela, ale lyene Yawe Leza winu alatwalilila ukuwaka upangano wakwe uno wacisile namwe nupya alamutemwa nu kutemwa kwakwe ukwa pe, wakwe vino walavile ivikolwe vinu.

Malango 7:12 Iomraidhean Croise

1 Yamwene 8:23

nga apepa ati, “Iye, we Yawe, Leza wa ina Izlaeli, kutaya Leza akoline nawe pano pansi nu mwiyulu nanti pansi ya nsi! Wemo ukaiusya nu kusunga upangano wako na antu yako, nu kuyalanga ukutemwa ukwamuntaputuka, ndi yakucita ukulonda kwako.

Neemiya 1:5

Inti, “Owe mwe! Leza mukulu uwa kwiyulu, we wakoopa! Awewe ukawaka upangano wako kuli yayo yano yakutemwa nu kuyela amasunde yako.

Neemiya 9:32

“Ale fwandi, we mwene Leza witu! We Leza wakoofya, wemo wakwatisya amaka! Wemo ukawaka amalayo ya kutemwa aupangano wako. Utasuula ulanda witu uu uno watiutwizila sweswe swensi, ukutandikila pali yamwene itu, intunguluzi zitu, yasimapepo itu, yakasema itu, pamwi ni vikolwe vitu, na antu itu yonsi pyu. Ukutandikila sile pa manda yakwe yamwene aku Asilya, lino yatucuzyanga ukwizafika na pilelo kwene, silola vino twacula!

Masamu 103:18

Ali antu yano yakasunga upangano wakwe, yao akayela ningo amasunde yakwe.

Masamu 149:9

Ali pakuyavunuka ndi muno Leza wapelile ilamulo. Kuko ali kucindama kuno Leza wacitila antu yakwe! Lumbanyini Yawe!

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Danieli 9:4

Napefile ku Mwene Leza wane nu kulongwela amaifyo ya antu. Napefile inti, “Owe mwe, we Mwene Leza mukulu nupya uwakoofya, wemuno ukawaka upangano wako nu kulanga ukutemwa kuli yayo akutemwa, yano yakayela amasunde yako.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Luka 1:55

Vii avino walavile kucitila Abulaamu na yonsi amu mupanda wakwe, amanda pe.”

Malango 1:8

Impanga ii yonsi aino ne Yawe nalavile ukupeela kuli Abulaamu, Isaki, Yakobo, nga nu ku vikolwe vinu. Yangini mukapokolole impanga ilya mukikalemo.’ ”

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 5:10

Lelo nkalanga kutemwa ku nkulo mazimbi zino zyantemwa nu kuyela amasunde yane.

Malango 7:11

Ali cino fwandi mwalondela vyonsi vino mwasundwa. Mulinzile kuyela amasunde yonsi yano natimupeela

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.