Malango 7:10 - Amazwi Yakwe Leza 2013

¹⁰ Lelo atalasitoka ku kuvunuka yao amupata.

Malango 7:10 Iomraidhean Croise

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 34:7

Ndatwalilila kutemwa kwane ku antu mazimbi amu mazimbi ku nkulo zyonsi nu kwelela ukakasi wao, uyi wao, na maifyo yao. Lelo ntalapanya yakaifya. Ndavunuka ana na izikulu pamulandu wa maifyo yakwe ya isi, kufika nu ku nkulo yakwe citatu na yakwe cini.”

Mapinda 11:31

Ndi cakuti antu akacita vyaololoke yakapokelela icilambu cao pano nsi, lyene antu alukang'ansi na aipe kwene yonsi yalavunukwa.

Ezaya 59:18

Amalambula ukali kuli cila muntu apa vintu vino wacita. Alafulula na akutali kwene yano yakamulwisya.

Yelemiya 32:18

Ukayela antu amazimbi na mazimbi uluse, lelo ukalandula wakwe cimwi ku ana amufulo pa uyi wa vikolwe vyao. We Leza mukulu Wamaka, Yawe Wamaka yonsi ali zina lyako.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Mpendwa 10:35

Lyonsi lino yatenuka ni Mbokosi ya Upangano, Mose wavwanganga ati, “Si ungala ukatuke we Yawe usaasye anisi yako, na wensi uwakusoka asimule kutaluka kunuli.”

Mpendwa 14:18

‘Ne Yawe nsisoka zuwa, nga nakwatisya ukutemwa ni cumi. Nupya nkaelela antu amaifyo na ucisanguka wao. Lelo ntalapanya ana na izikulu pa maifyo yakwe ya isi ukufika nu ku nkulo yakwe citatu na cini.’

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Malango 5:9

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Malango 7:11

Ali cino fwandi mwalondela vyonsi vino mwasundwa. Mulinzile kuyela amasunde yonsi yano natimupeela

Malango 7:9

Mwaiusya ukuti Yawe Leza winu aliwe ali Leza wenga sile nga nu kuti wene uwakutailwa. Wene alawaka upangano wakwe nu kulanga ukutemwa kwakwe ukwa pe ku antu amu mikulo izimbi yano yamutemwa nupya yakayela amalamulo yakwe.