Malango 6:5 - Amazwi Yakwe Leza 2013

⁵ Uwatemwa Yawe umwene Leza wako nu mwenzo wako onsi, nu umi wako onsi, na maka yako yonsi.

Malango 6:5 Iomraidhean Croise

1 Yamwene 3:3

Solomoni wali umuntu umwi uwatemwisizye sana Yawe, nu kulondela walondelanga amasunde yakwe isi Davidi. Lelo nawe kwene walanga acili akupeelela impolelwa nu kocela ubani pa ncende zino yakapepela mwenemo zipusanepusane.

2 Yamwene 23:25

Pali yamwene yonsi atandikile penepo ukuteeka, patali nanti wenga wino tungalinganya na Yosiya, pano wene watumikilanga Yawe nu mwenzo wakwe onsi, na mano yakwe yonsi, na maka yakwe yonsi. Walondelanga na masunde yakwe Mose yonsi, nupya kutatala kwaya umwene angalingana na Yosiya.

2 Milandu 15:12

Ali pakupanga nu pangano uwakuti yamapepanga Yawe Leza wa vikolwe vyao ni myenzo yao nga nu mupasi wao onsi.

2 Milandu 34:31

Lilyo ala umwene Yosiya, aimi mu pipi nu lucesi ulwimililanga yamwene yonsi. Aswilizya nu kulaya upangano wakuti amayelanga sile Yawe. Amasunganga mu cisinka amasunde yakwe ni vipope vyonsi nu kulawaka amasunde ukulingana na muno yalembelwa umu lupapulo kwene lulo.

Masamu 119:2

Alongo ayayo akawaka amasunde yakwe nu kumulonda ni myenzo yao yonsi.

Masamu 31:24

Muposye nupya muzyansye, mwensi mwe muno mwataila Yawe!

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Mateo 22:37

Yesu nawe aasuka ati, “ ‘Uwatemwa Mwene Leza wako nu mwenzo wako onsi, nu umi wako onsi, na mano yako yonsi.’

Mako 12:30

Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi.’

Mako 12:33

nu muntu alinzile kutemwa Leza nu mwenzo wakwe onsi, na mano yakwe onsi, na maka yakwe onsi, nga nu kutemwa umuze ndi vino waitemwa. Kuyela Masunde ya yaili kwaluta impolelwa zya koca nga nu wila onsi.”

Luka 10:27

Nawe aasuka ati, “Uwatemwa Mwene Leza wako nu mwenzo wako onsi, nu umi wako onsi, na mano yako yonsi, na maka yako yonsi. Nupya uwatemwa umuzo ndi vino waitemwa.”

Malango 10:12

“Mwe ina Izlaeli, uvwini vino Yawe Leza winu akalonda kuti mwacita. Oopini Yawe Leza winu, mwalondela nu mu ntampulo zyakwe zyonsi. Mwamutemwa nu kumutumikila ni myenzo inu yonsi nu umi winu onsi,

Malango 11:1

“Mwatemwa Yawe Leza winu nu kuyela amasunde yakwe na malamulo yakwe yonsi mu nsita zyonsi.

Malango 11:13

“Acino lyene mwayela amalamulo yano nkumupeela ilelo, nupya mwatemwa nu kutumikila Yawe Leza ni myenzo inu yonsi nga nu umi winu onsi.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Malango 13:4

Fwandi muce mwalondela Yawe Leza winu nu kumupeela umucinzi. Sungini amasunde yakwe nu kumuyela. Mwamuombela nu kuya akutailwa kunoli.

Malango 19:9

lyene muce musolole imisumba nayuze itatu iyakuzina mwenemo. (Wene alamupeela impanga ii ndi cakuti mulacita vyonsi vino nkumupeela ilamulo ilelo kuti mucite, nu kutemwa Yawe Leza winu nga nu kucita iviine na masambilizyo yakwe.)

Malango 30:10

Lelo icikalamba sile icikulondekwa cakuti mulinzile mwayela malamulo yakwe yonsi nu kulondela vipope vyakwe vino vyalembwa mu Lupapulo luu lwa masunde. Mulinzile ukuweluluka kunoli ni myenzo inu yonsi nu umi winu onsi.

Malango 30:16

Ndi mwayela amalamulo yakwe Yawe Leza winu yano nkumupeela ilelo, nupya ndi mwamutemwa, nu kumuyela, nu kulondela malamulo yakwe yonsi, ale lyene mulapelwa ulongo nupya mulaya uluko lwa antu avule. Yawe Leza winu alamupolelela mu mpanga ino muli pipi nu kupoka kuti iye iyakwinu.

Malango 30:20

Muce mwatemwa Yawe Leza winu, mwamuyela nu kuya akutailwa kunoli, nga nawe alaleka mwemwe na amu mupanda winu mwikale amanda avule mu mpanga ino walavile ukupeela ivikolwe vinu, Abulaamu, Isaki, na Yakobo.”

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Malango 4:29

Kuku kwene ali kuno mulatandika nu kulonda Yawe Leza winu, nga ndi cakuti mwaca mwamulonda ni myenzo inu yonsi nu umi winu onsi, lyene mulamuzana.

Yoswa 22:5

Lelo mutekele kuti musunge amasunde na malamulo yano Mose umuomvi wakwe Yawe wamupile yano yakati mwatemwa Yawe Leza winu nu kucita ukulonda kwakwe. Nupya muye acumi kunoli nu kumutumikila ni myenzo inu yonsi nu umi winu onsi.”

1 Yoane 5:3

Swemo tukalanga kutemwa kuno twatemwa Leza pa kuyela masunde yakwe. Na masunde yakwe angupale,