Malango 4:5 - Amazwi Yakwe Leza 2013

⁵ “Anene namusambilizya amasunde yonsi, wakwe vino Yawe Leza wane wanenyile ukucita. Muce mwayayela mu mpanga ino mwasya musawange apakuipoka nu kwikala mwenemo.

Malango 4:5 Iomraidhean Croise

Masamu 71:17

Leza we, awewe wansambilizya ukutandikila sile uwance wane, na ndakai kwene nemo ncili nkulanda apa milimo yako iyakuzunguka.

Kufuma 18:20

Ulinzile kusambilizya antu malamulo na masunde yakwe Leza, nu kuyalondolwela vino yalinzile ukwikala na vino yalinzile ukucita.

Yelemiya 11:6

Lyene Yawe avwanga kunondi ati, “Yanga ku misumba yaku Yuda nu mu misolo yamu Yelusalemu. Kuume imbila yane kuku, unene antu yuvwe amazwi aupangano uu nu kuyalondela.

Ezekelo 20:11

Nayapile amasunde yane nu kuyasambilizya ivipope vyane, apakuti yonsi yano yakulondela ivintu vii, amuno yangalolela uumi.

Aina Levi 19:19

“Mwayela amasunde yane. Utalenga ukuti inyama zya mwata upusanepusane zyalondelelana. Utakomela misango ya mbezu iili mu calo conga. Utazwala insalu iyapangwa ni nsalu ziili zipusane.

Aina Levi 26:46

Yaa yonsi, ali malamulo yano Yawe wisile pakasi kakwe na ina Izlaeli pa Mwamba wa Sinai kupitila muli Mose.

Aina Levi 27:34

Yaa, ali malamulo yano Yawe wapeezile Mose pa Mwamba wa Sinai kuti anene aina Izlaeli.

Aina Levi 7:38

Malamulo kwene yaa, ali yano Yawe wapeezile kuli Mose pa Mwamba wa Sinai, pa wanda uno wapeezile ilamulo ku ina Izlaeli kuti yalete impolelwa zyao kuli Yawe mu Lwanga lwa Sinai.

Mateo 28:20

nu kuyasambilizya kucita vyonsi vino namunenanga. Lyene nani namayanga pamwi namwe lyonsi kufika na pa wanda wa mpelelekezyo ya nsi.”

Milimo 20:27

Pano ntamufisanga cimwi lelo namunena vyonsi vino Leza akalonda kuti mucite.

1 Kolinto 11:28

Caleka cila muntu atale aipime umwisikulu nkolelo lino atali kuti alye umukate nga nu kumwa mu lwako.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

Malango 11:32

muce mwasumbako amano ukuyela amalamulo na masunde yonsi yano nkumupeela ilelo.”

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Malango 4:2

Mutakezye ukulunda penepo nanti ukufumya penepo cimwi pa malamulo yano natimupeela. Mwayela amalamulo yakwe Yawe Leza winu yano natimupeela.

Malango 4:4

lelo mwemuno mwali acumi kuli Yawe Leza winu mucili nu umi apilelo.

Malango 4:40

Mwayela amasunde yakwe yano namupeela apilelo, nga ivintu vyonsi vilamuzipila mwemwe na amu mupanda winu. Mulatwalilila ukwikala mu mpanga ino Yawe Leza winu akumupeela kuti iye iyakwinu pee.”

Malango 5:1

Mose aama aina Izlaeli yonsi nga ayanena ati, “Mwe ina Izlaeli, si angala muvwe amasunde yonsi yano nemo namamupeela ilelo. Muyasambilile nu kuyayela.

Malango 6:1

“Yaa, ali masunde ni vyeo vino Yawe Leza winu wampeezile ilamulo kuti imusunde pakuti namwe muce mwayalondela mu mpanga ino mwasya mwingile nu kwikala mwenemo.

Malango 7:11

Ali cino fwandi mwalondela vyonsi vino mwasundwa. Mulinzile kuyela amasunde yonsi yano natimupeela

Malango 8:11

“Musininkizye ukuti mutilila Yawe Leza winu. Mutaposiwa kuyela isunde lyakwe lili lyonsi pa masunde yakwe yano nkumupeela ilelo.

Ayebulai 3:5

Mose wali muomvi uwakutailwa mu ng'anda yakwe Leza nupya wene wavwanzile vintu vino Leza alavwanga mu manda akwiza.