Malango 4:25 - Amazwi Yakwe Leza 2013

²⁵ “Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 4:25 Iomraidhean Croise

2 Yamwene 21:2

Manase wifyanga apa manso yakwe Yawe. Wene wacitanga ivintu ivyawinyi vino ainamasi yacitanga, amu nko zyuze zino Yawe wazinzile umu mpanga yao apakuti aina Izlaeli yikale mwenemo.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Kufuma 20:4

“Mutaipangila tuluwi mu unkolanya wa cintu icili consi ca mwiyulu nanti camu nsi nanti camu manzi pansi ya musili.

Kufuma 32:7

Lilyo kwene Yawe anena Mose ati, “Kalaufya, ika ku mwamba swilila pamulandu wakuti antu yako yano watungulwile pa kuyafumya mu Eguputo, yatiyaifya nupya yatiyankana.

Ezekelo 8:10

Nani ali pakwingilamo, nailolela nenga, apa viumba palenzilwepo monsi pyu ukuzinguluka, imisango ni misango iya unkolanya wa vintu ivikasela nu wa nyama zya mifitalila, nga nu tuluwi tonsi utwa ng'anda yakwe Izlaeli.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Malango 16:22

Nupya mutakezye ukusimpa ulucesi lwa mawe apakwika akaluwi akakuti mwapepa, pano Yawe Leza winu wapata ivintu vii.”

Malango 27:15

“ ‘Katipwe kuli Leza umuntu wino akaipangila akaluwi ka mawe, nanti aka miti nanti akacela, pakuti wene akano apepa mu umfisolo. Yawe wapata ukupepa utuluwi.’ “Lyene antu yonsi yalande yati, ‘Ee mukwai! Kaciye vivyo kwene!’

Malango 28:45

“Ivilumbelo vyonsi vii vilamuponela, nga vilamutitikizya mpaka mukasuke mononwe, pamulandu wakuti mwakanyile kuyela Yawe Leza winu nu kulondela amalamulo ni vyeo vyonsi vino wene wamupezile.

Malango 28:61

Alamuletela ni ndwala zya misango ni misango alino ni mpungo zino zitalumbulwa mu lupapulo luu ulwa masunde yakwe Leza. Ala namwe kwene mulononwa.

Malango 30:18

nkumunena ukuti mulalowa pyu. Mutalikala amanda avule mu mpanga ino mwasya mwingile mwenemo iyaku mbalama yuze ya luzi Yodani ku kuya ipoka kuti iye iyakwinu.

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Malango 32:5

Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Yoswa 23:16

Ndi cakuti mwakana ukusunga upangano uno Yawe Leza winu wamupile ilamulo kuti mwasunga, ndi mwaca mwapita nu kutumikila nu kupepa tuleza tuze, ale lyene ukali wakwe Yawe ulamufulumila. Nupya mulalowa zuwa mu mpanga isuma ino Yawe watamupeela.”

Yoswa 24:20

Ndi mwafutatila Yawe nu kutumikila tuleza tuze, nawe alamusenuka alete nu uzanzo panomuli nga amulovye, nanti angala wene wamucitilanga ivisuma.”