Malango 4:19 - Amazwi Yakwe Leza 2013

¹⁹ Mutakezye ukutunkwa ukupepa nu kutumikila vino mukalola umwiyulu, ivili wi lanzi, umwezi, ni ntanda. Yawe Leza winu wapeela vii ku antu yauze yonsi kuti yavipepa.

Malango 4:19 Iomraidhean Croise

Utandiko 1:14

Nupya Leza avwanga ati, “Kakuye vyakupeela uluswepo mwi yulu vyakupaatukanya musanya nu usiku nga ni vimanyililo vyakulenga kutandika kwa nsita, amanda ni myaka ni nsita zyamu myaka.

Utandiko 2:1

Avino insi ni yulu na vyonsi vyasililikile ukuumbwa.

2 Yamwene 17:16

Yonona amasunde yakwe Yawe Leza wao yonsi, yapanga ivimumbwa vya ng'ombe, yacipambasi yaili avyela, avino yamafukamila nu kupeela ntaizyo kuno vili. Yapanga nu unkolanya wakwe kaleza kanaci ka Asyela, nu kupepa intanda nu kuombela Baali.

2 Yamwene 21:3

Wene wakuululwile incende zyakupepela mwenemo utuluwi, zino isi Hezekiya wasile watamola. Wakuulile Baali kavuwa nu kupangila Asyela ulucesi, wakwe vivi kwene vino Aabu, umwene waku Izlaeli wacisile. Manase wapepanga ni ntanda kwene.

2 Yamwene 23:11

Yosiya afumya ni mfwalasi zino yamwene aku Yuda yatuzile apa kupepa ilanzi nu koca amaceleta yano yaomvyanga. Vyonsi vivyo, vyasungilwanga umu musolo wa Ng'anda ikulu yakwe Yawe, pipi ni ng'anda yakwe Natani Meleki, umwi apa nkombe zikalamba.

2 Milandu 33:3

Wakuululwile incende zyakupepela mwenemo zino isi Hezekiya watamozile. Akuula nu tuvuwa apa kupepela Tubaali nu kupanga amaunkolanya yakwe Asyela.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Masamu 19:3

Kutaya ukulanda nakuze nanti amazwi akuvwanga. Kutaya ni izwi lyakuvwika.

Yelemiya 19:13

Amang'anda amu Yelusalemu nga na mang'anda yakwe yamwene amu Yuda kumwi na mang'anda yonsi yano yakafutumwilamo ubani apa mapaala yao, apakuti yafutumukila mwiyulu mupela, umuli intanda nupya muno yapongolwela waini kuli tuleza tuze, yonsi kwene yalakoweziwa. Yalaya akowele wa musumba wa Tofeti.’ ”

Yelemiya 31:35

“Yawe aliwe akawazya ilanzi apakuti liwale mu nsita yakasanya. Alino umwezi ni ntanda navyo apa nsita ya usiku. Aliwe akasunkanya na yemba nu kuponya amaimbi. A Yawe Wamaka yonsi ali zina lyakwe.

Yelemiya 33:25

Ndi cakuti nemo inkana kupangana upangano na kasanya nu usiku, nu kuvipeela isunde ilyakuti insi ni iyulu vyalondela,

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Ezekelo 18:6

Wene asiliila impolelwa pa myamba, asitumpwila amanso ku tuluwi twamu ng'anda yakwe Izlaeli, asilongozya na muka muze, nanti kupalama kuli mama ali ku mpepo.

Ezekelo 8:16

Alino lyene ansenda nu kuntwala mukasi ka musolo wa Ng'anda yakwe Leza, nga kuku kwene apa wingililo wa Ng'anda ikulu yakwe Leza, pakasi ka lukungu na kavuwa, pali manye antu amakumi yaili na yasano. Yene yafutatile Ng'anda ikulu yakwe Leza ala ni vinso vyao vilozizye ku ufumondaka, nga ala yakupepa ilanzi lwaku ufumondaka.

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Milimo 7:42

Lelo Leza nawe afwitoka ayafutatila, aleka kuti yatumikila intanda zya mwiyulu, wakwe vino icalembwa mu lupapulo lwakwe yakasema cikati, ‘Mwe ina Izlaeli! Asi kuli nene kuno mwaletanga impolelwa zya nyama zino mwakomanga mu lwanga, pa myaka makumi yani.

Loma 1:25

Yene yafutatila cumi ca pali Leza nu kutaila ufi. Yene yakapepa nu kutumikila viumbwa vino Leza waumba mu cifulo cakwe kaumba umwisikulu uwalinga kulumbanyiwa pe na pe! Ameni.

Malango 13:10

Uwakutama na mawe mpaka afwe! Wene wezizye ku mufumya kuli Yawe Leza winu, wino wamutuuzile ukufuma mu Eguputo, muno mwali azya.

Malango 13:5

Lelo Kasema wiyo na kalota wa viloto alinzile akomwe, pamulandu wakuti wene akunena antu ukusangukila Yawe Leza winu, wino wamufumizye mu Eguputo, mumo muno mwali azya. Antu amusango uu ankota nupya yakwezyo ukumufumya ku kwikala umi uno Yawe wapeezile ilamulo ukuti avino mwaikala. Yene yalinzile yakomwa, pakuti musisye inkota ii pakasi kinu.

Malango 17:3

pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.

Malango 4:18

nanti ku visela nanti ku nswi.