Malango 32:5 - Amazwi Yakwe Leza 2013

⁵ Lelo mwemo musi akutailwa, nupya mutalinzile ukuya antu yakwe, mwe luko lwa nkota nupya lwa usomvi.

Malango 32:5 Iomraidhean Croise

Utandiko 6:12

Leza alolekesya azana ukuti insi yonsi yazulamo inkota, pano vicitwa vya antu ivya nkota.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Kufuma 32:7

Lilyo kwene Yawe anena Mose ati, “Kalaufya, ika ku mwamba swilila pamulandu wakuti antu yako yano watungulwile pa kuyafumya mu Eguputo, yatiyaifya nupya yatiyankana.

Mapinda 8:8

Amazwi yonsi yano nkuvwanga yalungamana, mutaya ivyakupumbola nanti ivyaufi.

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Zefaniya 3:7

Nelenginye ukuti cumi kwene lyene antu yane yamangoopa, nu kufukila kusunda kwane, nu kuti yene yatalatala yilile amalamulo yane. Lelo yene yakweti insuna yakutwalilila ukucita iviipe, muli vyonsi vino yacitanga.”

Mpendwa 23:21

Ntazanyile iciipe muli Yakobo, Ntaweni intazi muli Izlaeli. Yawe Leza wao ali nayo. Umwakwe muvwika utupundu twakuzangila umwene.

Mateo 16:4

Antu amu mukulo uu nupya aipe asi na utailo yakalonda cilangililo ca cinjelengwe! Lelo kusi cilangililo icilapelwa kunoyali, suka sile cilangililo cakwe kasema Yona.” Lyene Yesu apita, ayasya.

Mateo 17:17

Yesu ayanena ati, “Ala! Uzye namaya namwe kufika lilaci? Mwe antu amu mukulo usi na utailo nupya uvulungane! Uzye namamutekelela kufika lilaci? Leta mwana wako mulumendo kunondi.”

Mateo 3:7

Lelo lino walola Afaliseo na Asaduki aingi yakwiza kuno wawatizyanga, ayanena ati, “Mwe ana ya nzoka mwe! Uzye aweni uwamucelula kuti muutuke ukali wakwe Leza uno ukwiza?

Luka 9:41

Lyene Yesu ayanena ati, “Ala! Mwe antu amu mukulo usi na utailo nupya uvulungane! Uzye namaya namwe nu kumutekelela kufika lilaci?” Lyene anena umuntu ati, “Leta umwana wako kuno.”

Yoane 8:41

Lelo mwemo mukacita vino so akacita.” Nao yamunena yati, “Swemo twakwata Tata wenga sile, nawi a Leza.”

Milimo 2:40

Petulo ayasoka mu mazwi nayauze aingi nga nu kupapata ati, “Ituulini mweisikulu ku uvunuko uli nu kwiza pa antu aipe amu mukulo uu ukowele!”

Milimo 7:51

Sitivini atwalilila kuyanena ati, “Mwe antu akoma myenzo mwe! Mutamanya Leza! Mwe yankoma matwi mwe. Mukoline ni vikolwe vinu kwene: namwe kwene mukukanya u Mupasi Wamuzilo lyonsi!

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

Malango 31:29

Natimanya ukuti pacisila ca mfwa yane antu mulaya yakacita ya nkota nupya mulakana ivintu vino namusambilizya. Nga ukunkolelo amazanzo yalamuponela, pamulandu wakuti mwemo mulacita ivintu ivilalenga ukuti Yawe asoke, vino wene walesya.”

Malango 32:20

Avwanga ati, ‘Nata intalatala njazwilizye,’ ‘pakuti lyene nkayalozye, antu yano yatalama, nupya asi yakutailwa.

Malango 4:16

Pakuti cimuzipile mwemwe, musininkizye ukuti mutakezye ukwifya pa kuipangila akaluwi mu musango uli onsi, akakukolanya ku monsi nanti ku mwanaci,

Malango 4:25

“Nalyo kwene ndi mwaca mwikala mu mpanga ilya mwalengela mwenemo, mwavyala ana nu kukwata aizikulu, mutakezye ukupanga akaluwi mu musango uli onsi. Cintu cico iciipe pa manso yakwe Yawe, nupya cilamulenga ukusoka.

Malango 9:24

Mwemo mwasangukila Yawe ukufuma sile lino namanyile mwemwe.

Filipi 2:15

pakuti muye akaele, ana yakwe Leza aswepe nupya afumaluke, yano akaikala mu nsi ikowele nupya pakasi kakwe yakaifya. Mulinzile kuyengesa munoyali wa ntanda zino zikupeela luswepo mupela mwiyulu,

Yakapingula 2:19

Lelo lino intunguluzi ilya yafwa, yene iyaswilila ku miyele iipisye ukuluta iya vikolwe vyao, yala yakulondela nu kutumikila nu kupepa tuleza tuze. Yene iyakana ukuta ivicitwa vyao ivyankota ni miyele yao iyakutalama.