Malango 32:24 - Amazwi Yakwe Leza 2013

²⁴ Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Malango 32:24 Iomraidhean Croise

Utandiko 3:14

Alino Yawe Leza anena inzoka ati, “Pamulandu wakuti wacita cii, wemo watipwa pakasi ka nyama zyonsi! Ukufuma ndakai ukaselela pa lunda lwako, nupya umalyanga ivu mu umi wako onsi.

Utandiko 49:15

Lelo akalola ukuti impanga ya upuzo isuma. Nupya akalola ukuti impanga ya upuzo uluzango. Caleka akatembelela kuti asende cisendo. Fwandi wapatikiziwe ukuomba wa muzya.

Yobo 20:16

Umwipe akafipilila usungu, nga alino lyene iwiza umukoma afwa, kwati walumika ni nzoka ili wa nondo.

Masamu 120:4

Alamuvunuka uku nceto izisongole izya vita, nga nu ku makala anyesuke cee amoto!

Masamu 91:6

Nanti cimwi icinkunka icingiza usiku nanti uononyi uuli onsi ungiza umusanya.

Ezaya 65:25

Imimbulu nu mwana wa mfwele vilaalila pamwi, cisama nawe alaalya insaawa wa ng'ombe. Inzoka zitalakwata intazi uku muntu, zilaalya ulukungu. Apa mwamba wa Zioni, umwamba wane wamuzilo, patalacitika nanti cimwi iciipe, nanti caononyi.”

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Yelemiya 15:3

“Mu cumi anene ne Yawe nayapingwilile imikosi ii ini, kuti iyaponele. Yalayakoma na yasimbwa yalatakanya ivyala vyao. Ivyunyi navyo vilayakompola ni nyama zya mpanga zilalya ivilasyalako.

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 8:17

Yawe nawe ati, “Lolini namamutumila inzoka, yacipili yano mutange mulesye ku wanga uli onsi. Yene yalamulumola nu kupola mutalapola, awe. Ivyalanda ne Yawe.”

Nyimbo zya ndosya 5:10

Inkanda itu ikaye see, ungati umoto wakwiziko, pamulandu nu kuwaya kwa nzala.

Ezekelo 14:15

Nanti ndi natumile ivilyanyi kuti vipitane mu mpanga ilya nu konona antu aikalamo, mpaka impanga iyo izulemo uzanzo cakuti kusi nanti wenga angapita kusalala mwenemo pamulandu wa vilyanyi vivyo,

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 5:17

Ndakuletela cipowe, ndakutumila vilyanyi vyakukoma ana yako, ndakuletela impungo, ni mpanzela alino nu kukukatusizya inkondo pakuti yace yakukome. Ivyalanda ne Yawe.”

Aina Levi 26:22

Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Amosi 9:3

Ndi cakuti yangafisama papela ya mwamba wa Kalimeli, ndayalondalonda mpaka njaleme. Ndi cakuti yangafisama pansi pali yemba mukulu, ndapeela ilamulo ku cilyanyi camwenemo kuti ciyalume.

Mika 7:17

Yalaakulika mu lukungu wa nzoka, wa viumbwa vino vikasela pansi. Yalafuma mu misumba yao yamalinga ala yakuzakaza uku ntete. Yalawela ni coopo kunuli we Yawe Leza witu, nu kuvwa intete pali wewe.

Habakuku 3:5

Wene akatuma impungo ya ndwala apa nkolelo yakwe nu kupeela ilamulo ku mfwa kuti ilondele apacisila cakwe.

Malango 28:22

Yawe alamuponyezya indwala izikaambukila, ni mvimba ni nzakaza, ni cilala ni miza ikaye kuti yonone ivyakulya vinu. Ivilumbelo vii vilasyala pano muli mpaka mukafwe.

Malango 28:48

Ali cino fwandi lyene mwailetelela, mumaombelanga anisi yano Yawe amatumanga ku kwiza muzanza. Mulauvwa inzala, nu lusala, nga mulapita tupu, nu kuulilwa muli vyonsi. Anisi inu yalamuzunya icikakate mpaka mukononwe.

Malango 28:53

“Lino anisi inu yalalizizya imisumba inu mutalalola ivyakuti mungalya, mulalya ana inu yano Yawe Leza winu wamupeela.