Malango 32:21 - Amazwi Yakwe Leza 2013

²¹ Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

Malango 32:21 Iomraidhean Croise

1 Yamwene 14:22

Mu manda kwene yalya antu amu Yuda yacisile iviipe pa manso yakwe Yawe. Apa kwifya kuno yifizye ukuluta vino ivikolwe vyao vyacisile, yene yalenzile Yawe ukuvwa uzuwa.

1 Yamwene 14:9

Lelo wemo wacita iviipe kuluta yayo yonsi akukolelile ukuteeka. Wemo wamfutatila pakuipangila tuleza tuze, nu unkolanya wa vyela kuti wayapepa.

1 Yamwene 16:13

pamulandu wa maifyo yonsi yano Baasya na Elaa umwanakwe umonsi yacisile. Yene yalenzile kuti aina Izlaeli yifye, nu kulenga kuti Yawe, Leza wa ina Izlaeli, asoke pamulandu wa kupepa tuluwi twao.

1 Yamwene 16:26

Wene walondelile imisango yonsi yakwe Yeloboamu umwana wakwe Nebati, nga nu mwi ifyo lino wene walenzile kuti aina Izlaeli yacite. Na pakucita cico, yene yalenzile Yawe, Leza wa ina Izlaeli kusoka, pamulandu wa kupepa tuluwi twao.

2 Yamwene 17:11

Alino nu kocela ubani apa tuvuwa tonsi twakwe tuleza tuluwi, umu konkelezya intambi zya antu yano Yawe wapusizye umu mpanga. Iyaleka icipyu cakwe Yawe cakatuka uku vicitwa vyao iviipe.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

2 Yamwene 21:6

Manase atoola nu mwana wakwe wenga umonsi, amupeela wa mpolelwa yakoca. Alino atandika na uncimya nu kusapola nga nu kuuzya ku antu ya malele na yasing'anga pamwi na yasikangulu kwene. Fwandi wene waifizye sana kuli Yawe amusosya wakwe cimwi.

2 Yamwene 22:17

Nemo yansangukila nupya yakupeela ni mpolelwa ku tuluwi. Akuli kuti yene yansosya umwenzo apa vicitwa vyao iviipe. Nasokela aikazi amu Yelusalemu, nupya ntalatala mbwezye umwenzo.

Masamu 31:6

Wemo wapata yayo akapepa utuluwi. Lelo nemo, nataila sile muli we Yawe.

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Ezaya 65:3

Yene yakansonsya umwenzo ku mufulo sile. Impolelwa zyao yene yakazituulila pa tuvuwa, twa antu yano yatamanya, tuno yakakuula mu vyalo vyao, ali muno yakafutumwila nu ubani.

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 18:15

Lelo antu yane yanjilila. Yene yakaocela utuluwi ubani, tuto utwayalenzile kupumeka umu nzila zino yalinzile ukupitamo. Yene yata ukulondela inzila zyampiti. Yakalondela tuzila twakwe tondo, ni miseo izyokoloke.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 5:7

Yawe auzya ati, “Uzye pacani cino ningelela amaifyo ya antu yane? Yene yamfutatila nupya yakapepa tuleza utusi twacumi. Nemo nimwile antu yane mpaka yikuta, lelo yene yacisile ulenzyo nu kwizya pamwi na yacizelele.

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezekelo 8:3

Watambalike icali wikasa, andema nu kunyele zyane. Alino Umupasi iunkatusya umupela apakasi kansi ni yulu umu vilolwa vyakwe Leza, nu kuntwala uku Yelusalemu uku mulyango wa mpongolo ya mukasi, iyalolenkana uku katutu, pano akaluwi ka uzuwa kimikwa, kano kakalenga nu uzuwa uyeko.

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Yona 2:8

Antu akapepa utuluwi tuleza utwasilesile yaponzya icikuku cako.

Milimo 11:15

Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Loma 10:19

Uzye nupya nimati aina Izlaeli yatamanyikisye? Mose uwaswike iuzyo lii, lino walanzile ukuti Leza wavwanzile ati, “Ndacita aina Izlaeli kuya nu uzuwa pa antu amu luko ulwasilesile. Nupya ndayalenga kuti yasokele mutundu wa antu awelewele.”

Loma 9:25

Wakwe vino Leza wavwanga kupitila muli kasema Oseya ati, “Antu yano atali antu yane, Ndayama kuya ‘Antu yane’ Umutundu uno ntatemilwe ndawama inti, ‘We mutundu wane uno natemwa.’

1 Kolinto 10:22

Nanti uzye tukulonda kuleka Mwene aye nu uzuwa? Swemo tutaluta Mwene maka.

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.

Malango 32:17

Yene yapezile impolelwa zyao ku tuluwi, utusi tuleza mucumi, tuleza utupya tuno ivikolwe vyao vitamanyile, tuleza tuno aina Izlaeli yatatazile yayele.

1 Samueli 12:21

Mutasenukila ku kulondela tuleza tuluwi. Twene tutangamucitila ivisuma, nanti ukumutuula, pamulandu wakuti utwaciwelewele.