Malango 32:10 - Amazwi Yakwe Leza 2013

¹⁰ “Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

Malango 32:10 Iomraidhean Croise

Esita 6:13

Atandika nu kunena umuci Zelesyi na yacuza yakwe yonsi, vyonsi ivyali vyamucitikila. Zelesyi umuci wakwe pamwi na yacuza yakwe yonsi amano iyamunena iyati, “Wemo watandika ukucimba kuli Modekai. Wene u Muyuda inkonko, nga wemo uli nu kumufilililwa sile. Wemo ale casila, wasenda iyatepa!”

Masamu 107:40

alino walesile ukuti asambazi yasuulwe, aleka nu kuti yalulumbe umu lwanga umwaula inzila.

Masamu 17:8

Unsunge wakwe vino ungacingilila nyinalinso uwi linso lyako, umfise mu cisao ca mapa yako,

Mapinda 7:2

Uwalondela amalamulo yane, ngu wapita ulumi. Uwawaka amasunde yane ndi vino ungawaka nyinalinso uwi linso lyako.

Lwimbo lwakwe Solomoni 8:5

Uzye aweni wilya akwiza akufuma mu lwanga, iyalemana makasa nu mukundwe wakwe? Umwisika lya muti umu apo nakuzyuzile. Kuku akuno nyonko wakusenzile umu ndilwa, akuno wene wakuvyalile.

Ezaya 63:9

uku macuzi yao yonsi. Kusi inkombe imwi nanti umungeli ali wensi, uwatayapususya kweneko foo. Suka sile Yawe wenga ali wino wayapuswisye. Ukufuma nu ku mpiti ali wino wayapususyanga nu kuyasunga lyonsi.

Yelemiya 13:11

Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Ezekelo 16:5

Kutali nanti wenga uwakuweni luseluse nanti ukukuvwila amizu ya kukucitila icili consi apa vintu vivyo. Ala uwanda uno wavilwe, yakusankilizye sile umu mpanga. Fwandi vivyo, ali vino antu yakupasile.

Ezekelo 20:36

Vino napingwilile ivikolwe vinu mu Lwanga lwa Sinai ali vino ndamupingwila namwe. Ivyalanda ne Yawe Simwandalali.”

Oseya 11:3

Nanti cali vivyo anene nasambilizye aluko lwakwe Efulemu ukupita. Nene kwene nayelezile, lelo yatamanya ukuti nene nayasunganga.

Oseya 13:5

Namusunzile mu mpanga iyumalale, umu lwanga mu cipuki.

Zakaliya 2:12

Nupya nalyuze, Yawe alatengela Yuda ukuya wacuma cakwe mpo, icaya umu mpanga yamuzilo, nga lyene Yelusalemu aliwe alaya umusumba wakwe utemwikwe ukuluta pali yonsi.

Zakaliya 2:8

Ali wensi uwazanza mwemwe ala wazanza icintu ca mutengo ukulu cuze kunondi.” Acino Yawe Wamaka yonsi uwantumile ku nko zino zyasamfile ivyuma vya antu yakwe kuti nkazinene inti,

Loma 2:18

Wemo wamanya cino Leza akalonda kuti wacita nupya wasambilila mu Masunde ukusola vilinzile kucitwa.

Loma 3:2

Endi, umu nzila zingi, mwaya muzano wakuya Muyuda! Ca nkolelo, mazwi yakwe Leza yavwanzilwe ku Ayuda.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 1:31

nu mu lwanga kwene. Kuku mwaweni vino Yawe wamusenzile nzila yonsi amuleta ku cifulo cii, wakwe vino isi akasunsa umwana pa ciye.’

Malango 4:36

Wene walesile kuti muvwe izwi lyakwe ukufuma ukwiyulu pakuti angamusunda. Alino pano nsi napo walesile kuti mulole umoto wakwe uwamuzilo, imuvwa nakuno akumuvwanzya mwenemo.