Malango 3:13 - Amazwi Yakwe Leza 2013

¹³ Amu mutundu pakasi wakwe Manase nayo njapeela impanga iyasile ku mpanga yaku Gileadi nga ni mpanga yakwe Ogi umwene waku Basyani, kuli kuti impanga yonsi yaku Aligobu.” (Impanga yaku Basyani yamanyika ukuti ali mpanga ya ina Lefaimu.

Malango 3:13 Iomraidhean Croise

Utandiko 14:5

Mu mwaka uwalenga ikumi na ini Kedolaomeli ni vita vyakwe na yamwene yano yuvwananga nawe, yumana akapi yalwisya yacimvya aina Lefaimu mu Asyitaloti Kalinaimu, na Zuzimu mu Hamu, Emimu mu Syave Kilyataimu,

2 Yamwene 10:33

Watandikile lwaku ufumondaka wakwe Yodani mu mpanga yonsi ya Gileadi, mpaka nu ku kaeya ku musumba wa Aloeli mu mbali ya Luzi lwa Alinoni. Impanga kwene ii ukwika penepo ni mpanga ya Gileadi na Basyani, umwikalanga amu mupanda wakwe Gadi, na wakwe Lubeni, na wakwe Manase.

Malango 29:7

Lino twafisile pa ncende kwene ii, Siooni umwene waku Hesyiboni na Ogi umwene waku Basyani yatukomenkinye ukwiza tulwisya. Lelo twayacimvizye,

Malango 29:8

ituyapoka ni mpanga nu kuyankanya ku mitundu yakwe Lubeni na Gadi nu ku luko pakasi lwakwe Manase.

Malango 3:12

“Lino twaposile impanga pa nsita ilya, natoozile impanga nu kuipeela ku amu mutundu wakwe Lubeni nu ku amu mutundu wakwe Gadi, ukutandikila lwaku katutu ka musumba wa Aloeli pipi nu Luzi lwa Alinoni. Injaputwila ni cipande cimwi ica mpanga ya myamba yaku Gileadi, kumwi ni misumba iyaya kweneko.

Malango 3:14

Yaili, uwali uwamu mupanda wakwe Manase, nawe ali pakutoola impanga yonsi yaku Aligobu, kuli kuti, Basyani, aya apelela ku mupaka wa ina Gesyuli na ina Maaka. Ali pakutemela imisumba ya kweneko izina lyakwe, wakwe ndi muno ikaamilwa na pilelo ukuti imisumba yakwe Havoti Yaili.)

Malango 3:4

Pa nsita ili yonga kwene itupoka ni misumba yao yonsi ukwaula ukusyapo nanti onga. Imisumba yonsi pamwi yali amakumi mutanda. Ali mpanga yonsi pano yapezile iya ku Aligobu, ino Ogi umwene waku Basyani wateekanga.