Malango 3:11 - Amazwi Yakwe Leza 2013

¹¹ (Ogi umwene waku Basyani uwasyalikizye kweneko pa ina Lefaimu. Imbokosi umwali icala cakwe yali iya mawe. Umu wipi yali amamita ukulingana yaili, nu mu utali namo yali amamita yani. Imbokosi iyo icilipo na pilelo mu musumba wa ina Amoni ku Laba.)

Malango 3:11 Iomraidhean Croise

Utandiko 14:5

Mu mwaka uwalenga ikumi na ini Kedolaomeli ni vita vyakwe na yamwene yano yuvwananga nawe, yumana akapi yalwisya yacimvya aina Lefaimu mu Asyitaloti Kalinaimu, na Zuzimu mu Hamu, Emimu mu Syave Kilyataimu,

Utandiko 6:15

Mu utali ciye amamita umwanda onga na makumi yasano, nu mu wipi namo ciye amamita amakumi yaili na yasano, ukuzika nako amamita ikumi na yatatu.

2 Samueli 11:1

Apa mwela, lino yamwene yakaya ku ulwi, Davidi atuma Yoabu na makombe yakwe pamwi ni vita vyonsi ivya ina Izlaeli. Nayo pali pakuyalwisya nu kucimvya aina Amoni nga yazinguluka umusumba wa Laba. Lelo Davidi wene wasile umu Yelusalemu.

2 Samueli 12:26

Pa nsita ilya Yoabu watwalilile ukulwisya Laba, umusumba ukalamba uwa ina Amoni nga lilyo ale kwasyala sile panono kuti aupokolole. Apokolola nu muputule wa mukasi na nkasi ki sano.

Yelemiya 49:2

Cisuma, lelo kwene insita iliiza lino ndalenga ukuti aikazi ya musumba Laba wa ina Amoni, yaluvwa impoma zya nkondo. Umusumba ulya ulasanguka umutumba wa vitalanganda. Imizi yamwenemo ilapya uku moto. Izlaeli nawe alapokolola ivyuma kuli yano yamupokolwile.” Ivyalanda ne Yawe.

Ezekelo 21:20

Cimanyililo conga ali cakulanga umwene inzila iyaya ku Laba, ku musumba wa ina Amoni. Cuze naco ali cakulanga inzila yaya ku Yuda, nupya yalungama nu ku musumba wa Yelusalemu.

Ezekelo 25:5

Umusumba winu wa Laba ndausenula uluwa lwa ngamila, ni mpanga inu yonsi mwe ina Amoni, ndaisangula incende yakucemelamo imfwele. Alino mulasininkizya ukuti nene indi Yawe.

Amosi 1:14

Acino nemo ndaponyezya umoto mu musumba waku Laba, nga umoto uo uloca amalinga yakweo, lino antu yakupunda pa wanda wa ulwi, nu kulwisyanya kulakanzuka wa cipunga.

Amosi 2:9

“Lelo manyini ukuti nononyile aina Amoli pamulandu winu, kumwi nu wa mbezu, nanti angala yene yali atali wa miti imikelide, nanti angala yene yali na maka wa miti imioko.

Malango 2:11

Wa ina Anaki, aina Emimu nayo kwene yayamanga ukuti aina Lefaimu. Lelo aina Moabu yene yamanga aina Lefaimu yati aina Emimu.

Malango 2:20

(Impanga ii nayo kwene yamanyika wa mpanga ya Lefaimu, izina lya antu aikalanga kweneko. Aina Amoni yamanga aina Lefaimu yati Zamuzumimu.

Yoswa 12:4

Aina Izlaeli iyacimvya na Ogi kwene, umwene waku Basyani, wenga pa ina Lefaimu asilepo, uwateekanga ku Asyitaloti nu ku Edilei.

Yoswa 13:12

Kuli kuti uwene onsi wakwe Ogi mu Basyani, wino wateesile mu Asyitaloti nu mu Edilei nupya wali a wenga pali yao asilepo mu ina Lefaimu. Lelo Mose wacimvizye yamwene yaa yaili nu kuyazingila ukutali.

Umbwilo 21:17

Mungeli apima ni linga kwene, nga umulungu wali mamita makumi mutanda, kulingana ni cipimilo ica sontwa cino waomvizye.

1 Samueli 17:4

Umu nsakwe zya ina Filisti imwiza mufuma icipombolo ca muntu conga, ukufuma ku Gati. Izina lyakwe a Golyati, wiyo uwali amamita yatatu mu utali.