Malango 29:6 - Amazwi Yakwe Leza 2013

⁶ Mutakwatanga umukate uwa kulya nanti waini uwakumwa, nanti uwengwa uwakumwa. Lelo Yawe umwisikulu uwamupeelanga vyonsi vino mukulonda pakuti amusambilizye ukuti ali Leza winu.

Malango 29:6 Iomraidhean Croise

Neemiya 9:15

“Alino apakuti yatuuke uku nzala wayapeelanga icilyo ukufuma kwiyulu. Apakuyapususya uku lusala nalyo wayapeelanga amanzi ukufuma umwiwe. Wemo wayanenyile ukuya pokolola impanga ino walavile ukuyapeela.

Kufuma 16:12

“Natinuvwa kuilizyanya kwa ina Izlaeli. Yanene ukuti lino ilanzi lyatilyawa yamapokelela inyama zyakulya, nga na katondo yalapokelela umukate wakulya iikute. Lyene yalamanya ukuti Nene, ne Yawe, nene indi Leza wao.”

Kufuma 16:35

Aina Izlaeli yalyanga mana pa myaka amakumi yani, mpaka lino yafisile ku mpanga ya Kenani, kuno yaile yikala.

Mpendwa 16:14

Ala wemo utatuleta mu impanga iya uzombozi ukulu cuze nupya iivunde nanti kutupela impanga nanti vyalo vya matingi vino tungapyana. Si manye ukwezya ukutusomba? Awe, tusikwiza kweneko!”

Mpendwa 20:8

“Tola intuwa yako ino ili ku nkolelo ya Mbokosi ya Upangano, nga lyene wewe na Aaloni mukonganike iuvi lyonsi. Alino pa manso yao munene iciliwe cii cizwe amanzi yano cakwata nga na manzi yamapongoloka ukufuma munocili, akuti umwesye iuvi lyonsi ni viteekwa vyao.”

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

1 Kolinto 9:25

Muntu wensi akakumako ku kuiteyanya ku kucimvyanya, wene akasundwa, pakuti alonke cilambu ciyembe cino cikalowa. Lelo swemo tukasimula pakuti tulonke cilambu cino cilikalilila manda pe.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

Malango 2:33

Lelo Yawe Leza witu amupeela mu makasa itu, nga naswe itumukoma, itukoma na ana yakwe aonsi, kumwi na asilika yakwe yonsi.

Malango 29:7

Lino twafisile pa ncende kwene ii, Siooni umwene waku Hesyiboni na Ogi umwene waku Basyani yatukomenkinye ukwiza tulwisya. Lelo twayacimvizye,

Malango 3:3

“Acino Yawe ali pa kwika umwene Ogi umwene waku Basyani kumwi ni vita vyakwe mu makasa itu, nga naswe ituyakomola yonsi pyu.

Malango 3:6

Naswe itonona imisumba yonsi nu kukoma aonsi yonsi, na anaci, na ana kwene, wakwe vino twacisile Siooni umwene waku Hesyiboni.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.