Malango 28:9 - Amazwi Yakwe Leza 2013

⁹ “Ndi cakuti mwayela Yawe Leza winu nu kucita vyonsi vino akumupeela ilamulo kuti mucite, ale lyene alamucita ukuya antu yakwe kololo, wakwe vino walaya.

Malango 28:9 Iomraidhean Croise

Utandiko 17:7

“Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Masamu 87:5

Zioni wene yakavwangapo yati ali nyina wao, uwavyala antu ya mitundu yonsi Leza Wapapelapela alamukomya ndi.

Kufuma 15:26

Lyene Yawe avwanga ati, “Ndi mukanguvwila ne Yawe, Leza winu nu kucita vyawololoke, nga nu kuyela malamulo yane, lyene ntalalenga kuti mulwale zyandwala ndi zino naponyezizye aina Eguputo. Nene indi Yawe, wino akamupozya.”

Ezaya 1:26

Ndamupeela intunguluzi ni nkombe wakwe yano mwakweti apa mpiti. Alino lyene Yelusalemu alaamwa ukuti umololoke, umusumba uwacumi.”

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Yelemiya 11:5

Lyene ndasunga nu ulayo wane uno nalavile ivikolwe vyao ukuti ndayapeela impanga ya cuma nupya ivunde ino yakweti na ndakai.” Nani mvwanga inti, “Endi Yawe.”

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

Malango 7:8

Lelo Yawe wamutemilwe nupya walondesyanga ukufikilizya ulayo wakwe uno wene wacisile ku vikolwe vinu. Uli mulandu uno wene wamutuuzile ku maka yakwe akulu nu kulenga kuti muye antungwa ku uzya kuli Falao umwene waku Eguputo.

2 Tesalonika 3:3

Lelo Mwene wene uwa kutailwa, nupya alamukomelezya nu kumucingilila ku Mwipe wilya.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.