Malango 28:10 - Amazwi Yakwe Leza 2013

¹⁰ Lyene antu yonsi pano nsi yalalola ukuti Yawe wasolola mwemwe kuti muye antu yakwe kololo, nga lyene yalaoopa mwemwe.

Malango 28:10 Iomraidhean Croise

1 Milandu 14:17

Acino Davidi alumbuka wakwe cimwi umu mpanga ilya yonsi, nga Yawe alenga kuti amu nko zyonsi yamoopa.”

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Kufuma 12:33

Aina Eguputo yacincizya aina Izlaeli kuti yakalauke ukufuma mu Eguputo yati, “Mumaleka tufwe ndi mutapisile!”

Kufuma 14:25

Yawe alenga kuti mipeto ya maceleta yao isokozoke, cakuti iyapita panono panono. Aina Eguputo yavwanzyanya yati, “Yawe akulwila aina Izlaeli yaa. Acino lekini tuutuke ukufuma kunoyali.”

Ezaya 63:19

Lelo wemo ukutucita sile wanyawanya, kwati asi wewe watuteeka. Kwati tutatala twaamwa antu yako.

Yelemiya 14:9

Pacani cino wayela wa muntu uwataulizya amano, nanti wa musambazi wino atakweti amaka akutupususya? We Yawe, cumi kwene wemo waya apakasi kitu? Swemo sweswe antu yako, utatutazyela, awe.”

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Malaki 3:12

Lyene antu amu nko zyonsi yalati mwapolelelwa, pano impanga inu ilaya isuma iyakwikala mwenemo.

Mpendwa 6:27

Alino Yawe avwanga ati, “Ndi yataka izina lyane ukuya upolelelo pa ina Izlaeli, indayapolelela.”

Milimo 15:17

Alino na antu yauze yonsi yalalonda Mwene, pamwi na Akulukuwa yonsi yano nama kuya antu yane.

Malango 11:25

Kutalaya umuntu nanti wenga alamucimvya. Yawe Leza winu aliwe alalimvya intete ku mpanga yonsi pakuti monsi muno mwapita antu yace yamoopa, wakwe vino wamulavile, nga kusi nanti wenga alalesyanya kuti mutacita cico.

Malango 2:25

Ukutandikila sile ilelo kwene ne Yawe namaleka kuti antu konsikonsi yaoopa mwemwe. Antu yonsi yalazakaza ku ntete pa kuvwa izina linu.’

Yoswa 5:1

Lino Yamwene yonsi aina Amoli aikalanga ku uwondaka wa Luzi lwa Yodani alino na yamwene yonsi aina Kenani aikalanga mu nkumba yakwe yemba wa Adiliya yuvwa ukuti Yawe watakamya Yodani pa manso ya ina Izlaeli mpaka itusuka itulamba, iyazakaza ku ntete nupya iyatovoka pamulandu wa ina Izlaeli.

Umbwilo 3:9

Uvwa! Kuli antu yamwi amwi umba lyakwe Ciwa, yene yakatumpoka pa kuilanda yati Ayuda lino yasi Ayuda. Ndalenga kuti ize yafukame pa ngazo zyako. Lyene yalamanya vino nakutemwa.